بدر سامحني

موضوع: رد: بدر سامحني الأحد فبراير 03, 2008 7:59 pm

مرت الساعات ثقيله على شهد ,, مع ان اميره كلمتها وطمنتها بس هي ما ارتاحت كلش ,, مستحيل راكان يسكت ويقتنع بهالسرعه ,, تمت متوتره طول الوقت ,, وكل مايرن جوال بدر تنقز من الخوف ,, بدر مب عارف اشفيها سألها تقوله مافيني شي ,, دخلت غرفتها وسكرت الباب ,, وتمت تفكر وتفكر ,, بدر كان قاعد في الصاله ,, ومستغرب من حركات شهد اشفيها ؟! ليش خايفه شمسويه ؟!!! ,, وتذكر السي دي ,, اوووه نسيت اشوفه شنو بعد ,, راح الغرفه وطق الباب ,, تمت شهد تتنافض ودموعها تنزل من الخوف اكيد قاله اكيد كلمه ,, مسحت دموعها بسرعه وتمالك نفسها وفتحت الباب ,,

بدر يدور على السرير والتواليت : وين السي دي اللي يبته الصبح ؟!
شهد ميته من الخوف وتبلع الكلام : م م مادري بدر جنه خذيته معاك
بدر يطالعها ومستغرب : شهد اشفيج اليوم ؟! مب طبيعيه ؟!
شهد عطته ظهرها : لالا مافيني شي بس يمكن ضاع
قرب منها وضمها من ظهرها : حبيبتي السيدي مب مهم,, انا اللي يهمني انتي اشفيج ؟!
شهد : هاا لالالا مافيني شي والله

طلع بدر الصاله وخلاها ترتاح شوي ,, يمكن ترجع طبيعيه ,, قفلت الباب ,, حست ريلها ماتشيلها ,, راحت بسرعه وجسمها كله يتنافض قعدت على السرير ,, انا لين متى بخاف وبعيش في هالتوتر ,, ياربي ساعدني ماعرف شسوي ,, استغفر الله ,, راكان تكفى لاتسوي شي ,, من اكلم من اقوله ,, اميره من كلامها ماكلمته اصلن ,, اووووف لاحول الله ,, تمت تفكر وتفكر وكل ماتحلل الموضوع تخاف زياده , اكيد بيصير جذيه وبيصير جذيه ,, ومالقت ولا طريقه ممكن تتخلص فيها من راكان ,,

...........................

دخل البيت والا هم ثنتينهم قاعدين وشكلهم متمللين حدهم ,, شوي ويصيحون ,, ضحك على منظرهم ,, وقعد على الكرسي ,,

خالد : ههههههههههه اشفيكم جذيه ؟!
امنه : زهقانييييين خالد تكفى طلعنا
خالد : امممممممممممممممممممممممممممممم
حور : خالد عشان اميروووووووووووه الهبله ,, طلعنا
خالد وبدون مايحس بنفسه وقف وصرخ : جااااااااب الهبله انتي
امنه منصدمه ,, وافتشلت في حور : خالد الله يهداك حور تتغشمر
خالد : تتغشمر ماتتكلم عن اميره جذيه

حور طول الوقت ساكته ,, وامنه حسبت انها زعلت وتضايقت ,, وشوي وتصيح,,

حور : اسفه خالد
خالد : لالا عادي بس لاتعيدينها
حور : ان شاء الله
خالد : زعلتي ؟!
حور : هههههههههههههههه لا ,, بس انا طول عمري متعوده اقولها الهبله والمينونه وهي تضحك معاي ,, اول مره اسمع احد يدافع عنها , وهي ترفع يدها للسما ,, عقبال مايدافعون عني وعنج يا امون
خالد ضحك من قلب عليها ,, حس انها ياهل ,, : ههههههههه انزين قوموا يالله بطلعكم
حور من الفرحه تمت تناقز ورافعه يدها : اللللللللله يوفقك ياولد عمي ,, فالعرس والخطوبه ,, وتطيح الكوشه على اميروووووووووووووه ان شاء الله ,, حست انه بيعصب ,, وراحت تركض غرفة امنه ,,
امنه مامسكت نفسها من الضحك جدام خالد ,, وهو منصدم من حور : هههههههههههههههههههههههههههههههههههههههههههههه
خالد يحرك راسه : مينونه ,, تدرين اشلون مافي طلعه ,, واول مارضخ الباب انه زعلان يعني , انفجر من الضحك ,, هذي حور ,, عجيبه ,, هههههههههه

........................

دخل سعود ,, الشقه ,, والا هم مسدحين وكل واحد في يده كوب ,, ومتروس ثلج ,, سكر الباب ,, وقعد على الكرسي وهو يطالع المكان من فوق لين تحت ,, كأنه يبي له تعديل ,,

سعود وهو يضرب جاسم على يده : جسوم جسوم قوم
جاسم بكسل : اوهوووووووووووو انته اشتبي اشتبي والله متفيج ,,
سعود : هه قوم قوم ,, صدنا صلوح وراكانوه الخياس
جاسم نقز ,, ونواف اللي من بعيد سمع نط فاج عيونه : شسالفه ؟!اشفيهم صالح وراكان ؟!
جاسم : اسكت انت ,, سعود قولي علمني
سعود يعلي صوته : هاهااااااااااااااااااااااااااااااااااااااااااااااا اي ,, قوم معاي داخل ,,

راحوا جاسم وسعود داخل ,, مايبون نواف وعلي يسمعون السالفه ,, لان اثنينهم مخططين حق هالشي ,, وهم اللي يبون ينتقمون ,, جاسم ,, منقهر من صالح لانه متدين ,, ومايخربط معاهم ,, حاول يجره ويجره بس للاسف مافي فايده ,, اما سعود انتوا تعرفون سالفته ,, دخلوا الغرفه وقعدوا على السرير وسعود شكله متشقق ,,

جاسم : قوووول يالخطيير اشسويت ؟!
سعود : اسمع جسوم ,, باجر انا بيب معاي وحده
جاسم وهو قايم : ياااااااااااااه ,, تقولي صالح وراكان ,, اشدخل الحين وبعدين مب شي يديد تيب وحده
سعود يره من يده : تعاااااااااال زين بقولك
جاسم قعد على السرير : هاااا قول يالله
سعود : الوحده هذي ,, اسمها الجوري ,,
جاسم مطقع: وعقب ؟!
سعود : الجوري هذي ياحبيبي تصير اخت صلووح وراكانووه
جاسم ماتحرك مكانه من الصدمه ,, كلام سعود يتردد في اذنه ,, التفت عليه وعلى ويهه علامات النصر : لااااااااااااااااااااا ,, احلف سعودووووه من صجك !؟!!
سعود يتباهى : هاهااااي ,, والله العظيم وباجر اثبت لك ,,
جاسم : خلاص يالغالي ,, الشراب وكل شي ببلاش ,,
سعود : بشربها ,, وبسوي العجايب ياحبيبي ,, يتدلع ,, تحبني البنت تحبني
جاسم : سعودوووو والله مب مصدق ,, انزين هي بترقد هنيه يعني ؟!
سعود : لا ,,
جاسم : عيل اشلون ؟!!!!!
سعود توهق : اييييي والله هاشي مافكرت فيييييييه ,, زين تدري اشلون بدق لها وبقول لها ابيج تنامين برى البيت ,,
جاسم : هي تدري وين بتيبها ؟!
سعود : أي تدري ,, ودق لها ,,
جاسم منصدم : صج غبيه ,, اشلون رضت
سعود وهو يأشر عليه يسكت لانها ردت ,,
تم ساكت ويسمع ,,
الجوري بدلع : الووو
سعود : هلا عمري ,, هلا رووحي ,, هلا قلبي ,,
جاسم حط يده على حلجه يسكت نفسه عن الضحك ,,
سعود : اقول قلبي ,, يوم فكرت لقيت ان لازم تنامين برى البيت ,,
الجوري منصدمه ,, لالالالالالا : شنو ؟!!! انام برى البيت ؟!! سعود انته صاحي والا في خلل في مخك ؟!!! شنو انام برى البيت ؟! تبي صالح يقصبني
سعود : لاحول اللله ردت وقالت لي صالح ,, اقول مابيج تين يالله باي
الجوري بسرعه : الوووو تعال تعال
سعود : هااا اشتبين ,, انتي حبيبه انتي ؟! كل شي عندج لا لا لا خاطري مره تقولين لي ان شاء الله
الجوري شوي وتصيح : سعود صعبه انام برى البيت ,,
سعود : انا برجعج الفير حبيبتي ,, والله مابنتأخر ,,
الجوري : سعود اخاف
سعود : اوهووووووووووووووو انتي يالخوافه ,, الحين بتين والالا؟!
الجوري : .....................
سعود : اكلمج انا ,,
الجوري : اشلون اطلع من البيت ؟!
سعود : سمعي اول مايرقدون ,, بايج وطلعي ,, بنروح وقريب الفير ارجعج ,, وبيكونون راقدين ,,
الجوري اقتنعت ,, : زين سعود اوكي خلاص ,, بحاول اطلع وهم راقدين ,, بس متى ؟!
سعود : باجر حبيبتي باجر
الجوري : خلاص اوكي
سعود : باي ,,

سكر من عندها,, وجاسم منصدم ,, بااااااااااااااااااال : هذي ينقص عليها بسرعه
سعود : مسكينه الله بلاها بالغباء ,, نفس مابلا اخوها ,,
جاسم بخوف : سعود انا خايف من راكان وصالح ,, هذي شرف
سعود : فالطقااااااااااااااااااق ,, وماعليك منهم ,, احنا بنرويهم منو جاسم وسعود هههههههههه

تعالت ضحكات سعود وجاسم ,, في الشقه ,, وطول والوقت نواف وعلي مستغربين ,, لهذي الدرجه مو ضوعهم خطير ؟!!! ,, الجوري تقريبا ,, وقعت في فخ سعود ,, الله يعينها ,,

من سكرت من التلفون ,, وهي تفكر ,, الكلام يخوف اشلون اطبقه ؟! اطلع من البيت فليل ؟! عمري ماتخيلت اني اسويها ,, اصلن انا خاف ,, واذا احد شافني ؟! راكان يتأخر فليل ,, استغفر الله ,, ليش يا سعود جذيه ,, تبي توهقني وتفضحني بأي طريقه ,, نزلت دموعها ,,بس شسوي ,, سعود جنه ريلي ,, ولازم ارضى باللي يقوله ,, واسوي اللي يبيه ,, وبعدين السهرات ماتبتدي الا فليل ,, يعني مجبوره ارضى بالواقع ,, والله اني وهقت نفسي ,, اوووووووووف ياسعووود احبك , وحبك خلاني اسوي المستحيل ,,

............................

بعد المغرب ,, دخل صالح البيت بسرعه وجنه مستعيل ,, حصل امه قاعده في الصاله ,,

صالح : يمه ,, وين القهوه والجاي ,, الريايل في الميلس ,,
ام راكان : قلت حق الخدامه الحين تيبهم لك ,,

طلع صالح ,, وراح على طول الميلس ,, اللي كان مسوي فيه محاضره دينيه ,, لـ محمد رفيجه ,, وكانت بعنوان ,, حب الله ,, حضروا مجموعه من ربعهم اللي يعرفونهم ,, وكانت صج روووعه ,, الكل تأثر فيها ,, وخصوصا ان محمد كان يلقيها من قلب ,, ولما انتهت ,, قال دعاءبسيط ,, وودع الريايل ,, ووعدهم بمحاضرات دينيه ,, في مسيدهم ان شاء الله ,,

....................

اليوم الثــاني ,, على اذان الفير ,,فتحت عيونها بصعوبه ,, وابتسمت ,, فديته والله حتى فالاحلام موجود ,, قامت تصلي ,, دخلت الحمام الله يعزكم ,, تيددت ,, وطلعت ,, حست براحه هاليوم وكانت مستانسه حدها ,, لان خطوبتها قربت ,, وبترتبط بالانسان اللي حبته وتعلقت فيه ,, توها بتفرش السياده ,, الا واصلها مسج ,, فتحته ,, وكان من حور ,,

كل عام وانتي بألف خير يالدبه ,, وعقبال مليون سنه ,,

انصدمت اميره من المسج ,, بي اشفيهاحور لايكون امغلطه ,, شافت تاريخ اليوم وانصدمت اكثر ,, اييييييي اليوم يوم ميلادي ,, فديتها حور والله ماتنسى شي ,, ردت لها بمسج ,, وانتي بألف خير حبيبتي ,, طالعت فوق وابتسمت ,, كل عام وانا بخير ,, ضحكت على نفسها ,, وراحت تصلي ,,

.......................

قامت من النوم على الساعه 12 ,, التفتت ماحصلت حد جنبها ,, اكيد قام قبلي ,, قامت ,, واول مايات في بالها العنود ,, خذت التلفون واتصلت ,, ولكن حصلته مسكر ,, ااه ياعنود الله يساعدج ,, ان شاء الله ,, تمسكي بالامل ,, حطت التلفون على الطاوله ,, وتوها بتدخل الحمام ,, الا مسج ,, فتحته ,,

ابي اكلمج ضروووووووري اتصلي على هاي الرقم ,, *******

استغربت شهد ,, تشوف الرقم ماتعرفه ,, من رقمه ذييي ,, ااه لايكون مشكله ييده ترى خلاص ماعاد فيني ماتحمل مشاكل والله تعبت ,, اتصلت على الرقم على طول وتمت تنطر ,, لين سمعت صوت هز كيانها ونفض جسمها مره وحده ,, ومن الصدمه تمت واقفه ماتتحرك ,,

لا لا لا لا

موضوع: رد: بدر سامحني الأحد فبراير 03, 2008 7:59 pm

الفصل الثالث عشر ,,

قعدت على الكرسي اللي جنبه ,, وهي تفكر اقول والا لا ؟! ,, ماله داعي ,, لا خل اقول ,, بشوفه شيسوي ,, اخ يا اميروه والله انج عامله عمايلج في خالد ,,

امنه : خالد
خالد مندمج فالتلفزيون : هااا
امنه : خالد بقولك شي يخص اميره ,,
من سمع اسمها اختبص ,, سكر التلفزيون وجابل امنه ,, : قولي قولي اشفيها ؟!
امنه : بي بي بي هاي كله عشان اميره ؟!!!!
خالد مستعيل يبي يعرف اشفيها : يالله عاد قولي ,, اشفيها مرتي
امنه : بي ههههههههههههههه مرتك بعد للحين ماصارت
خالد : اوهووو امون ,, لاتحرقين قلبي قولي بسرعه تحجي ,,
امنه : اممممممممم اليوم يوم ميلاد اميره ,,
خالد بيأس : تبطين جبدي يعني ؟!! تدرين اني ما اقدر اسوي شي ولا اودي لها شي ,,
امنه : هههههه بسيطه ,,
خالد مستغرب : اشلون يعني ؟!
امنه : بودي لها شي على ذوقك وبقولها من عندي ,,
خالد يفكر : هاا,, لا اانا ابيها تدري انه مني ,,
امنه : خلاص ولايهمك بقولها منك ,,
خالد استصعب الامر : تقين ؟! اخاف تصير سالفه
امنه : محد يدري ,, خخخ
خالد قام : تدرين اشلون ,, قومي نروح نشتري الهديه الحين ,,
امنه متشققه : ياللله ,,

................

تمت ساكته بعد ماسمعت الكلام اللي صعقها ,, مستحيل ,, هذا شيقول ,, مستحيل ومن سابع المستحيلات ,, شسوي شقول ,, اااااااااااااااه والله لو اموت احين وافتك من الدنيا ,,

راكان : انا قلت لج اللي عندي وانتي كيفج ,,
شهد دموعها تنزل بغزاره : راكان فج عني الله يخليك اللي تطلبه مستحيل يصير لو شنو
راكان : سمعي يابنت الناس ,, سلمتي هالمره وبدر ماشاف شي ,, مره ثانيه بطرشه على جواله ,,
شهد تصارخ : حمااار كلب حقير والله حقييير انا بقول حق سلمان يتصرف معاك
راكان : ان دريت انج قلتي حق احد واللله والله لا اطرش الفيديو سيده وافضحج جدام ريلج
شهد منقهره ,, ماتعرف شتقوله وشتسوي ,, حست انها بروحها وحيده محد معاها : راكان ارجوك اسمعني
راكان بقوه : ما اسمع ولاشي ,, قلت لج تبين الستر سوي اللي قلت لج عليه ,, واذا ماسويتي ,, بدر بيشوف كل شي
شهد بحزم : راكان اللي تقوله مستحيل يصير وسو اللي تبيه ,,

رضخته في ويهه ,, وطاحت على السرير وهي ميته من الصياح ,, الموضوع كل شوي يتطور ,, انا تعبت والله تعبت ,, ليت الكل يعرف اني مظلومه انا غلطت ماقلت حق سلمان وبدر من البدايه , الحين ما اقدر اسوي شي ,, ما اقدر كل شي ضدي ضدي ضدي ,, ااااااااااااااه ياربي ,, ماعرف شسوي ان قلت حق احد بيفضحني وان ماسويت اللي يبيه بعد بيفضحني ,, يارب سترك يارب ,, والله انه مينون اشلون ,, يبيني اطلع معاه ,, غبي والله غبي ومليون غبي ,, انا متزوجه ,, وحتى لو مب متزوجه ,, ضربت راسها بقووو,, بس بس مابي افكر بس كفايه كفايه كفااااااااااايه ,,

......................

على اذان المغرب ,, كانت قاعده فالصاله ,, ومتملله ,, تطالع التلفزيون ,, شوي والا داخل صالح في يده ,, باقة ورد كبيره الوانها هاديه ,, البرتقالي ,, مع الاصفر ,, ومنسقه بشكل رووعه ,, وفي يده الثانيه ,, كيس صغير ,, مكتـــوب عليه ,, الفردان ,, استغربت وراحت بسرعه عند اخوها وهي تشم الورد ,,

اميره : الله رووووووووووعه ,, من يايبه ؟!
صالح بأبتسامه : هاي لج يالغاليه ,, يايبته خدامه تقول من امنه
اميره متشققه : واااااااااااااااااااااااااااااااو لي ,, فديتها امووووون اكيد حور الدبه قالت لها ان اليوم ميلادي , اشوف عطني ,,

حطت الباقه على الطاوله ,, وفتحت العلبه اللي كانت فالكيس ,, الا خاتم ,, مرصع بالالماس ,,انصدمت ,, هاي من امنه !؟ اشدعوه ,, ليش هاي كله عاد ؟!! ,, لبسته وهي مستانسه , عجبها واايد ,, شوي والا التلفون يرررن ,, الا امنه ابتسمت وردت ,,

اميره : هلا والله بالدبه ,,
امنه ,, كانت قاعده وخالد ملصق اذنه فالسماعه : اهلييين يالغاليه ,, ها اعجبتج الهديه ؟!
اميره وهي تشوف الباقه : ايي ذوقج اينن ,, بس ليش امكلفه على عمرج امون ؟!
امنه : احححححححم مو انا اللي يايبتها اصلن
اميره مستغربه : عيل منو ؟!
امنه : هاي خالد اخوي ,, يوم قلت له ان اليوم ميلادج ,, اصر انه ياخذ لج هديه
اميره معصبه : شنو ؟!!!!! ,, لو سمحتي امنه طرشي احد ياخذ الهديه ,,
امنه منصدمه : اميره !! اشفيج ؟!
اميره : على أي اسااس ايب هديه ؟!!! مابيني وبينه شي للحين ,, اسفه امنه ما اقبل شي من احد ماعرفه
امنه : اميره خالد اشلون ماتعرفينه ؟! كلها كم يوم ويصير ريلج,,
اميره : ادري امنه بس اسمحي لي ,, طرشي الخدامه تاخذ الاغراض ,, لو صارشي بيننا بعدين اقبل منه هدايا ,,

سكرت من اميره وهي منصدمه ,, تطالع خالد اللي مستغرب مو عارف شسالفه ,, شفيها ويهها منقلب ؟!! ,, نادت الخدامه وقالت لها تروح بيت بوراكان ,, وخالد محتار ليش تطرش الخدامه ؟!

خالد : امنه ؟!! اشفيج ؟!
امنه منزله راسها ومنحرجه من خالد : خالد اميره تقول اخذوا الهديه مابيها
خالد انصدم وحس الدم وقف في جسمه : ليش ؟!!!!!! ماعجبتها ؟!!!
امنه : بلاا بس يوم عرفت ان منك قالت مابيها ,,
خالد انصدم اكثر : ليش ؟! لايكون ماتبيني ؟!
امنه : لا مو عن جي ,, بس تقول ماصار بينك وبينها شي للحين على شان تقبل منك هدايا ,,

خالد تفشل جدام امنه ,, وراح على طول غرفته ,, منصدم من حركة اميره ,, ليش جي يا اميره ؟! ,, بس في نفس الوقت استانس لتصرفها ,, كبرت في عينه اكثر,, بعد قلبي اميروووه ,, والله انج مره وكفوو ,, ابتسم وطلع خذ الهدايا وحطهم في غرفته ,, وقرر انها تكون اصباحيتها ,,

من الصوب الثاني ,, دخلت غرفتها ,, وهي تلوم نفسها على اللي سوته ,, اشفيني انا
؟!! ,, صج ان هالتصرف صح والمفروض يصير ,, بس احرجت البنت واحرجت اخوها ,, اخاف يزعل ,, والا يتضايق ,, قعدت على السرير ,, وهي محتاره ,, شسوي ؟! اسكت والا اتصل اعتذر ؟!! ,, لا ليش اعتذر ,, هاي الصح ,, خلاص ,, وهاي اللي المفروض يصير ,,

...................

ظلم الليل,, والساعه تدق ,, ودقات قلبها تدق اكثر ,, اللي بتسويه صعب صعب ,, طول الساعات اللي طافو وهي تدعي ان محد يشوفها ,, تفكر وتتخيل لو شافوها شبيصير , لالا ان شاء الله محد يشوفني ,, بدا العد التنازلي راحت غرفتها ,, وتفكيرهااااااا منصب في سعود ,, ما ادري اشورا هالطلبات ياسعود ,, ماعرف اشناوي عليه ,, والله خايفه خايفه ,, اووه انا بعد ,, فالطلعات كنت خايفه ,, وصار عادي ,, والحين بعد خايفه وبيصير عادي ,, طالعت الساعه,, الا وحده الا ربع ,, تمت تاكل اظافرها ,, وتبلع ريجها وقلبها يدق ويدق ,, وتحس الرجفه في جسمها كله ,, تطالع الساعه ,,, 1 2 3 4 5 6 ياترى اشيصير في هالساعات ؟!!! اااااااااااااااه اااااااه الله يستر ,, رن تلفونها ,, ونقزت مره وحده ,, " بسم الله " شافت الا رقم سعود ,, سمت بالله وردت ,,

سعود : ها قلبي جهزتي ؟!
الجوري مبين عليها الخوف : لا لحين مالبست ,, انته وين ؟!
سعود : للحين مالبستي ؟!!! يالله عاد انا طلعت من البيت الحين بايي عند باب بيتكم ,,
الجوري : هاااه ,, اوكي بس سعود
سعود قاطعها : اوووص ولاكلمه لاتقولين لي اخاف ومادري شنو ,, يالله جهزي الحين بايي ,,
الجوري انصاعت للامر ,, : ان شاء الله ,,

سكرت من عنده ,, وراحت ركض عند الدريشه ,, حصلت سياير صالح وراكان موجوده ,, وكلهم تأكدت انهم دخلوا يرقدون ,, خذت ملابسها وراحت تبدل ,, خلصت وراحت عند التواليت تحط مكياج خفيف ,, طالعت ويهها وهي خايفه ,, يارب استر ,, خلصت ,, ولبست عبايتها وقلبها يدق بقوووووو ,, ميته من الخوف ,,

طلعت من غرفتها شوي شوي ,, وقفلت الباب بدون مايحس احد ,, ونزلت بسرعه من الدري ,, وطلعت من البيت وسكرت الباب ,, تنهدت بقوووو وكأنها عدت مرحله صعبه ,, مشت فالحوش بسرعه صوب الباب الكبير وهي خايفه وفي خاطرها تقول الله يستر الله يستر ,, فتحت الباب الكبير الا سعود واقف جدام بيتهم بشوي ,, راحت تركض ,, فتحت الباب وركب السياره وسكرته بقوووو ,,

الجوري ماسكه قلبها: روح سعود بسرعه
سعود حرك بسرعه : اشفيج خايفه ؟!
الجوري : اااااااه بغيت اموت ,, خفت احد يشوفني ,,
سعود مسك يدها الا هي تنتفض : لاتخافين انا معاج,, لاتخافين ,,

عم الهدوء فالسياره ,, سعود يفكر باللي بيصير فالشقه ,, وهو كل شوي يتقرب من موقعها ,, الجوري تمت مغطيه ويهها ,, وللحين مارد قلبها ,, مب مصدقه انها طلعت من البيت هالحزه ,, ياترى اشبيصر ؟!!,,

............................

التفتت عليه حصلته راقد ,, تمت تتأمل ويهه ,, بعد قلبي بدر ,, ماتدري اشكثر انا اتعذب ,, المشكله ما اقدر اقولك ولا اعترف بشي ,, لان ادري ان كل شي بينقلب ضدي ,, حبيبي ربي لايفرقنا ,, باست راسه ,, وحطت راسها على المخده ,, وفجأه تذكرت العنووووووود , مادقت ولا شي ,, تألمت ,, وهي تتذكر اشلون كانت تكلمها وكانت حالتها ,, تعبانه ,, وشكلها بتمووت خلاص ,, لا يالعنود ان شاء الله بتتشافين ,, وبنرجع نفس قبل ,, ربع ومافي شي يفرقنا ,, انا ادعي لج واتمنى من كل قلبي ان ربي يستجيب لدعائي ,,

ثواني ونامت شهد وهي تحاول تتناسى المشاكل والمصايب اللي تصير لها ,,

......................

في احد غرف الشقه الخبيثه ,, كانوا غرقانين فالحرام ,, خلاص الجوري فقدت عذريتها وهي ذااايبه معا سعود ولا حاسه بشي ,, ماحسبت حساب هالشي ,, مافكرت في اخوانها واش ممكن يسون فيها ,, واشلون حياتها بتنقلب جحيم ,, لو عرفوا هاي اذا تمت حيه ,, رجعت الجوري حق وعيها ,, حصلت سعود منبطح وشوي ويرقد شافت نفسها الا هي ,,,,,,,,, وين ملابسي ؟!!!! وين عبايتي ؟!

الجوري تحرك سعووود : سعود قوم سعود
سعود تصرقع وقام : اشفيج اشصاير ؟!
الجوري نزلت دموعها ,, وهي تصارخ : لاتقولي انك سويتها سعود اشصااار اشصاار
سعود خايف : ها لالالالالالالالالالالالالا ماسويت شي ,, ماسويت شي حبيبتي ,, والله ماسويت شي
الجوري :اكيد ؟!
سعود وهو بيطلع من الغرفه : أي اكيد ,, يالله لبسي خل ارجعج البيت ,,
الجوري قامت بسرعه : اوكي اوكي

طلع الصاله والا جاسم راقد هناك ,, قعده ,, وهو متوهق خايف مايعرف شيسوي ,, ان قالها بتسوي له سالفه وبيروح فيها ,, وان ماقال لها ,,

جاسم منصدم : هاااااااااااا ,, سعودو يالثور انا قلت لك سو بس مو معناتها انك تخلص عليها يالغبي
سعود : ها جسوم دبرني الله يخليك ,, ترى هاي ثاني مره وهي ماتدري ماتحس بشي ,,
جاسم ماسك راسه : ثاني مره ؟!!!!!!!!!!!!!!!!!!!!!!!!!!! الله يقطعك الله يقطعك ياخي انته تبيهم يذبحوننا ويقطعوننا ؟!!!!!!!!!
سعود ماات من الخوف ,, : جاسم الله يخليك لايدري احد بعدين اتوهق ,, والله خايف من اللي بيصير
شوي والا هي يايه ,, لفت شيلتها عدل ,, وطلعت الصاله ,, وبأبتسامه ,, : يالله سعود بسرعه
سعود قايم : يالله حبيبتي ,, " التفت على جاسم " راجع لك ها لاترقد ,,
جاسم : ناطرك ,, " وفي خاطره يقول الله يستر ,, "

موضوع: رد: بدر سامحني الأحد فبراير 03, 2008 8:01 pm

مرو يومين ,, والجوري كل يوم تطلع معا سعود ,, ربي للحين ساتر عليها ,, صار عندها عادي , وتعودت بعد ,, راكان طرش حق شهد مسج ,, يقولها انه بيعطيها اسبوع تفكر فاللي قاله ,, وهي ميته من الخوف ,, تفكر اشلون تتصرف ,, اشلون تفكر ,, محتاره ,, بس كل يوم تأجل التفكيرلباجر تبي تشرد من الموضوع ,, بس مافي فايده ,, راكان لاحقها لاحقها ,, خطوبة خالد باجر ,, الكل مرتبش ويرتب ,, وهو اولهم ,, اميره خاشه فرحتها في قلبها ,, ويابت فستانها ,, كان رووعه ,, لونه سكري كله كرستال ,, اما البنات كلهم بيلبسون فساتين عرس شهد ,, بعد ماقالوا حق اميره ان خالد بيدخل ,, حجزت مكياج سبيش عند .......... شعرها عند .................. ,, طبعا بيملجون العصر والخطوبه بعد العشا ,,

.............................

لبست فستانها التركوازي ,, وتمت تطالع جسمها في المنظره وااااااااااااو يهبل ,, اشوه مامتنت ,, تمت تتخيل شكلها بمكياج وتسريحه ,, يااااااي ان شاء الله اطلع احلى وحده ,, طلعت الصاله ترويهم ,,

سلمان : بوووووووووه كشخه ,, بس انا جايفه من قبل ,, " يفكر " وييين ؟! ما ادري
حور : احححححححم هاي مال عرس شهد ,, حرام افصل واحد يديد ,,
سلمان : زين سويتي ,,
حور تلتفت على امها : هايمه اشرايج ؟!
ام سلمان : ماشاء الله ماشاء الله
حور ميته من التشقق : احححححححححححم " عطتهم ظهرها " بروح ابدل ,,

راحت تبدل بس بعد ماطالعت نفسها نص ساعه فالمنظره ,,

.............................

قعدت جنبه ,, وهي ماسكه بطنها ,, وتبتسم ,, طالعته اشلون مندمج معا النت ,, لمست كتفه ,, والتفت عليها ,, مستغرب حركتها ,,

بدر مبتسم ,, وحس بأحساس غير اول مره يحس فيه : اشفيج ؟!
شهد مبتسمه ,, : بدر ودي اقولك شي ,,
بدر يمسح على شعرها : امري قلبي
شهد تطالع تحت : بدر

الفصل الرابع عشرالفصل الاول,,

شهد : بدر ,, انا ودي اقولك شي
بدر : قولي ياقلبي ,, اسمعج ,,
شهد : بدر انا ,,

رن تلفون بدر فجأه وراح يرد عليه ,, يقول الو ,, الوووو ,, رد عليه واحد صوته خشن بشكل ماتتصورونه ,, يبلغه ان شي بيوصله بعد شوي ,, شهد طول الوقت تطالعه ,, وقلبها ناغزها ,, خايفه ,, مرتعبه ,, الله يستر بس ,, سكر بدر وقعد على الكرسي جنب شهد ,, وجنه ينتظر شي ,,

شهد : بدر شسالفه ؟!
بدر : مادري واحد متصل يقول بيوصلك شي الحين
شهد حست ان الدم وقف في جسمها وخافت من كلامه لايكون تسويها ياراكان ارجوك : منو هاي ؟!
بدر : والله مادري ,, بس خرعني من صوته احس في شي جايد

رنت الرساله ,, وبدر يفتحها يده ترتجف ,, شهد تمت تطالع التلفون وهي ميته من الخوف ,, قلبها يطق بسرعه ,, بدر كان مرتبك ليش مايدري ,, يحس ان هالشخص وراه ,, شي ,, اول مافتح الرساله ,, الا مقطع ,, شهد ماقدرت تستحمل حست ان حياتها بتنتهي ,, حست بالرهبه والخوف ,, ماعرفت شتسوي ويرت الجوال من يده وهي في اشد ارتباكها ,,

بدر مستغرب من حركتها : اشفيج ؟! عطيني تلفوني
شهد تتنافض وماتعرف اشفيها ,, حذفت التلفون على الكرسي واندعست جنب التلفزيون :بدر لا تشوف بدر لاتفتح ارجوك
بدر منصدم : اشفيج شهد ؟!! ليش هالخوف ؟!!!!!
شهد تصيح : بدر لا تفتح وخلاص ارجوك بدر ارجوك والله انه جذاب والله
بدر انصعق من كلامها ,, : انتي شتخربطين ؟!! " مسك الجوال وفتح المقطع "

انفاسه في ازدياد ودقات قلبه ,, ماتوقف ,, اشقاعد يشوف ؟! يطالع شهد ويرد يطالع المقطع ,, هي والله هي ,, شهد في مقطع بلوتوث ؟!! خاينه ,, خاينه معا واحد ,, احمر ويهه ,, وهي مغطيه ويهها وتصيح ماتبي تشوف ردة فعله ,, خاطرها تذبح عمرها في هاللحظه ,,

بعد دقايق ,, طلع الحوش وهو راص على يده اللي انملت دم ,, ويعض على شفايفه من القهر ,, شهد خانته ؟!!!!!!!!!!!!!!!!!!!!!! ,,

............................

اشرقت شمس الصبح ,, فتحت عيونها ,, بصعوبه ,, حست انها متكسره ماتقدر تقوم تمت تطالع المكان ,, كراسي ,, وتلفزيون شسالفه ؟! اشيابني اهنيه ؟! ,, شلت شعرها عن ويهها ,, وتوها بتقوم ,, ردت طاحت مره ثانيه ,, طالعت الا القزاز منثر على ريلها ,, والا صورت زواجهم محذوفه على الارض ,, وكله دم ,, مرت الاحداث جدام عيونها ,, واللي صار امس ,, حطت راسها على الارض وبأستسلام تمت تصيح وتصيح ,, وقلبها محترق ,, ومتقطع ,, قامت بصعوبه تسحب عمرها ,, دورت بدر ,, ماحصلته ,, احسن مابي اشوفه ,, خلاص مابي ,, مالي ويه ,, المفروض كنت اقوله انا غلطت ,, نزلت دموعها ,, وتمت تطالع الصاله ومنظرها الكئيب ,, من عقب ماكانت تغمرها الرومنسيه والفرحه ,, انقلبت قزاز مكسر وكل شي امقلب ,, اااااااااااه يابدر ,, دخلت الحمام ,, غسلت الدم وهي تلمس الجروح اااه وغسلت وويهها ,, وطلعت بدلت ملابسها ,, قعدت على السرير وهي تحس ابتعب ,, مسكت بطنها ,, الحمدلله ماتألمت ولاشي ,, الياهل ماصار فيه شي ,, والظربات مايات الا على ويهي ,, بعد عمري وليدي ,, الظاهر انك مب عايش بين امك وابوك ,, تمت تفكر شتسوي الحين ؟! اشلون تتصرف ؟! ,, تمت قاعده وتصيح من قلب ,, لانها مظلومه والحين خلاص مستحيل احد يصدقها ,,خلاص ,, نزلت راسها ,, وهي تصيح على حالها المسكين,, يوم ماتهنت معا بدر ,, شوي ,, واعلن الخوف اقتحامه للغرفه ,, فتح الباب بقووو ورضخ بالطوفه رضخه قويه , انقزت مره وحده وهي تشوف منظره ,, ملابسه كلها دم ,, لان القزاز دخل في يده ,, وشعره كااش ,, والزرارات مفتوحه ,, زادت دقات قلبها ,, وتمت تتنفس بقووو ,, حست وهي تطالعه انه وده يذبحها ,, يزنطها بين اياديه ,, وقفت ,, وهي تطالعه ودموعها تنزل ,,

شهد : بدر ,, تعال بشرح لك الموضوع
بدر واقف في مكانه ولاحركه ولاكلمه : .............
شهد : بدر والله انا مظلومه والله لو سمعت السالفه بتتفهم الموضوع ,, والله بدر لاتفهم غلط
بدر وبقهر صرخ صرخه هزت المكان كله : خاينه خاااااااااينه " وهو يقرب منها " وحقييره وسافله ,, انخدعت فيج انخدعت حسبتج خلوقه وبنت ناس ,, طلعتي بنت شوارع ماتم واحد ما
شهد طاحت على السرير وهي ترجع ورى ماتبيه يتقرب منها واقطعت كلامه : لا بدر لاتقول جي ارجوك " زاد صياحها " ارجوك انته ماتعرف شسالفه والله ماتعرف شسالفه
بدر رص على اسنانه منقهر لانه كان مسكين كل شي يصير حواليه وهو مايدري ,, سفيه غبي : جب يالجذابه " فتح الكبت وتم ينثر ملابسها بجنون ويحذفهم في كل مكان " قومي اخذي اغراضج وذلفي بيت هلج مالج مكان عندي قومي يالخاينه قومي ,, " التفت عليها وراح لعندها ,, وبدون مايحس العصبيه كلت قلبه " تخونيني ها ؟!تستغفليني انا بدر؟! " وهو يأشر على نفسه " تحسبيني غبي تلعبين من وراي ؟! اناا ارويج يالكلبه ,,

ماحس الا وهو طايح فيها ضرب ,, تم يسطرها على ويهها ويكفخها ,, تلعبين بشرفي وعرضي يالخايسه يالوصخه ,, وهي تصيح وتصارخ , , مسكها من يدها وفرها على الارض ,, وتم يرفس بطنها ,, يرفس يرفس لين شافت الموت جدامها,, حست انها خلاص ودعت ,, وصحى هو وحس بعمره وخر عنها وتم يتنافض ,, الموقف هزه ,, القهر ذبحه ,, مب مصدق ان شهد تطلع جذيه ,, شهد اللي حبها قلبه ,, شهد الوحيده اللي حس انه بيستقر معاها ,, تطلع خاينه ؟!! ,, شوي وانتبه لكلمه ظهرت بين صياحها وصراخها وهي تتألم ,,

شهد وبصوت متقطع : بدر انا حامل بدر ,, مسكت بطنها بقووو ,, بموت بدر ,, الياهل الياهل بيموت

صدمه هزت كيانه ,, شتقول هذي ؟!!!!!!!!!!! معقوله ؟!!!!!! حامل ؟!! وانا ضربتها ورفستها على بطنها ,, الياهل ,, بتموت ,, لالالالالا مب مصدق اللي تقوله جذبها , بس كل شي يبين انها صادقه ,, بجنون شالها وركض فيها المستشفى ,,

..........................

في غرفة الجوري كانت قاعده ,, تقرا قصه فالنت ,, شوي والا تحس بالم ,, راسها يدور ,, بطنها يعورها ,, لوووعه ,, وقفت وردت طاحت على الكرسي ,, مسكت بطنها وحست خلاص بترجع ,, ركضت الحمام ,, وتمت ترجع ,, سمعتها اميره ويات تركض من الخوف ,,

اميره ماسكه الجوري من ظهرها : الجوري , اشفيج ؟!!! عسى ماشر
الجوري ترجع وبصوت متقطع : ما ما مادري كح كح

وقفت اميره ,, ونغزها قلبها ,, الجوري مب طبيعيه كلش ,, بعد ماخلصت وطلعت من الحمام ,, خذت الفوطه وتمت تمش ويهها ,, واميره دخلت وراها الغرفه وسكرت الباب ,,

اميره : اشفيج الجوري ؟ّ شتحسين فيه ؟!
الجوري ماسكه راسها : مادري لوعه وراسي يعورني وكله ارجع
اميره زاد خوفها : الجوري قومي خل اوديج المستشفى
الجوري : لا مافي داعي ,, اكيد من البرد ,, وكله اكل أيس كريم ما اتوب انا
اميره : لالالالا قومي خل انتطمن
الجوري : اوهوووو اميروه ,, قلت لج مافيني شي خلاص ,,
اميره : بتييين والا اقول حق راكان يوديج غصبا عنج ,, بيزيد عليج يالهبله ,,
الجوري : اوووووف انزين خلاص اتصلي حق الدريول ,, وانا ثواني واجهز ,,

طلعت اميره من الغرفه ,, وهي خايفه ,, تحس ان اليوم بيصير شي,, مسكت قلبها ,, يارب استر ,, لايكون خالد فيه شي ؟!!! ,, لا ان شاء الله ,, من الصوب الثاني الجوري قعدت على السرير , , وهي تفكرفاللي يصير لها ,, لوعه ,, وعوار بطن وراس ,, وترجع ,, اول مره ايها جذيه ,, وقفت لحظه ,, لا ,, لا ,, لايكون ,, زادت نبضات قلبها ,, وانفجت عيونها على الاخر ,, لالالالالالالالالا ان شاء الله و سعود قالي ماسوا شي ,, ارتاحت شوي,, لالالا اكيد من البرد ,, الحين اروح المستشفى واتطمن ومافيه الا الخير

,,

ركب سيارته ,, وراح صوب بيتهم يتمشى ,, وهو يتخيل اشصار ,, تم يضحك ,, مسكينه ياشهد ,, حالتج حاله الحين , خلاص ,, اكيد بدر شاف وانكشفتي ,, ياحرااام ,, ههههههههههههههههههههههههههه ,, عشان تعرفين ان مستحيل تكونين لغيري ياشهد ,, دور سيارة بدر ,, ماحصلها ,, لالالالا اكيد وصلت للقتل ههههههههههههه ,, لاحول الله ,, تم حاط يده على لحيته وهو يفكر ,, اما لو ماصدق ,, هاهاااي لاوين مايصدق ,, خلاص اثبتت التهمه عليج ,, بتطلق طبعااااااا وبروح اخطبها ,, يااااااااااي صج احساس حلووو ,,

........................

ودو شهد بالسرير بسرعه وهو يركض وراهم ,, ويدعي في قلبه انه تكون بخير ,, استغفر الله ياربي ,, شلون اطلعت حامل ؟! انا ضربتها ضرب مب طبيعي كسرتها ,, الله يستر والله ,, الله يستر ,, ما اتصل حق احد ولا علم احد ,, تم قاعد فالمستشفى ينتظر النتيجه على نار ,, ويدعي ان مايصير شي جايد فالبنت ويكون سبب في اعاقتها والا موتها ,, يارب سترك يارب ,, نزل راسه وهو قاعد في الكراسي مالت الانتظار ويفكر لو مات الياهل انا بكون ذابحه ؟!! ,, انا اذبح ولدي ؟ّ!! تنهد بقووو ,, الحمدلله انها توها بالشهور الاولى ,, بس لا ,, فج عيونه بقوووووو لحظه ,, انا اشدراني ان هالولد مني مو من الخايس اللي متعرفه عليه ,, ؟!!!!!!!!! ,, عض على شفايفه بقووو ,, وهو منقهر ,, ضرب يدينه في بعض ,, وهو يتوعد ,, هيين انا بصبر وكل شي بيبن ياشهد والله انج طلعتي كلبه ونذله ,,

..........................

موضوع: رد: بدر سامحني الأحد فبراير 03, 2008 8:02 pm

الفصل الرابع عشر الجزء الثاني ,,

قعدت فالصاله معا امها ,, تطالع التلفزيون ,, وشوي الا التلفون يررن ,,

حور : نعم ؟!!
امنه : الووووووووو
حور : امون الدبه هلا والله
امنه : حووووووووووووووور بقولج خبر حلوو
حور : شنو؟!
امنه مستحيه : حوور اليوم خالد ياني ياخذ رايي في شي
حور : لا والله ؟!!! هاي خبر حلو ؟!
امنه : سمعي خل اكمل ,,
حور : يلاا زين
امنه : ياني ,, وقالي ان اخوج ,, كلمه " كل شوي عيون حور تكبر من الصدمه " ,, وقاله خذ راي امنه ,,
حور : جذاااااااااااااااااااااااااااااااااااااااااااااااا اااااابه
امنه مستحيه : والله
حور : زين انجعي باي

سكرت في ويهها وامنه منصدمه ,, اتصلت حور حق سلمان وهي امعصبه ,, تمت تصارخ ليش ماقالوا لها ,, يخطبون ,, ويسون كل شي من وراها وهي اخر من يعلم ,, واحلفت ان مااتيي العرس ,,

سلمان : لاحول الله , اقول صومي 3 ايام بتين العرس غصباً عنج
حور : دب ,, ليش ماتقولي انك بتخطب امون الدبه
سلمان : شنو دبه بعد ؟! ها
حور نزلت دموعها : سلمان حبيبي الف مبروك انت وامون تستاهلون كل خير ,,
سلمان نطت عيونه : وافقت ؟!!!!!
حور : غصبااااااا عنها بتوافق ,,
سلمان : هههههههههههه

.................................

ركبوا السياره ,, وهي قلبها مب متطمن ,, اااه ياربي ,, تنهدت بقووو وهي ماسكه بطنها ,, الله يستر ,, والله حاسه بشي مب طبيعي ,, خايفه ياربي,, التفتت عليها وهي مستغربه من منظرها كأن هموم الدنيا فوق راسها ,,

اميره مسكت يدها : الجوري اشفيج حبيبتي ؟!
الجوري راسها يدور وتحس اللوعه تروح وترد عليها وبتعب : اميره بطني يعورني بموت
اميره خافت : خلاص حبيبتي وصلنا المستشفى خلاص ,,

نزلوا من السياره وتمت اميره ماسكه الجوري ,, لانها تعبانه ماتقدر تمشي عدل ,, اميره قلبها نغزها ,, البنت مب طبيعيه والا يصير لها بعد مب طبيعي ,, تنهدت بقوو ,, وهم يمشون بين الكراسي ,, رفعت راسها ,, واعقدت حواجبها اول ماشافته ,, اشيايبه هنيه ؟! عسى ماشر ؟!!! على طول قالت حق الجوري توقف وراحت له ,, كان منزل راسه وشكله تعبان ,, حتى ويهه متغير ,, وثوبه كله دم ,, انقبض قلبها ,, وخافت

اميره : بدر ؟!!!
بدر انصدم وهو يطالع تحت منو اللي يعرفني ؟! لايكون احد من اهلها مابي احد يعرف رفع راسه والا يشوف وحده امغطيه ويهها : منو ؟!
اميره : انا اميره بدر ,, عسى ماشر ؟!!! فيك شي ؟!! ملابسك لها دم ,, شهد وينها عنك ؟!
بدر تنهد بقووو اشوه اميره ,, حس براحه وحس انها بتساعده لو قالها الموضوع : اميره ممكن تقعدين اشرح لج الموضوع ؟!!!!!!!
اميره : بدر شهد فيها شي ؟!
بدر بحزن : أي
اميره ماتت من الخوف وهي تطالع الجوري تألم : زين ثواني وايي ,,

راحت اميره حق الجوري وقالت لها تروح حق الدكتور لان شهد تعبانه وبتشوفها ,, الجوري ماكان لها بارض تسأل راحت على طول ,, تمت تمشي شوي وتطيح ,, ماسكه الطوفه ,, اااااااااااه يابطني ,, اشصاير فيني انا ؟! , تحس العرق يتصبب من جسمها ,, الدنيا تدور جدامها ,, اول ماشافتها النيرس ,, دخلتها حق الدكتورعلى طول ,,

الدكتور " مواطن " : تفضلي الشيخه اكشف عليج ,,

من الصوب الثاني ,, مسكت حلجها ,, مب مصدقه اللي يقوله لها ,, معقوله راكان سوا كل هاي ؟! انزين ليش ؟!!!!!! ليش ياراكان ,, حرام عليك تفرق بين اثنين ,, كل هالكلام يدور في مخها ,, التفتت على بدر ماتعرف شتقول ,, شكله مايدري انه راكان ,, اقوله ؟!!! ,, حست ان لسانها ماينطق ,, اشبيكون موقفها لو قالت له ان اخوها مسوي كل هاي ,, حرام اللي صار شهد مظلومه ماتستاهل كل هاي ,, والله حرام ,,اااه الريال لحين على عمااه ,, يشك في مرته ,, والله ماعرف شسوي ,, كل شي تخربط في مخي ,, بدر لاحظ سكوتها ,,

بدر مستغرب : اميره ,, اشفيج ؟!!
اميره : هاا لالا مافيني ,, شي بس مصدومه من اللي صار ,,
بدر : والله مب عارف شسوي يااميره احس افكاري تلخبطت ,, مب مصدق ان شهد ممكن تسوي جذيه
اميره مرتبكه : انته لازم تتأكد قبل لاتسوي أي شي يابدر ,,

.................................

الف مبروك اختي ,, انتي حامل ,,

تضاربت دقات قلبها بقوو ,, مسكت حلجها وهي مب مصدقه شيقول دموعها تنزل مثل الفيضان ,, جذاب والله جذاب مستحيل انا ماسويت شي ,, سعود ماسوالي شي ,, اكيد هاي امغلط والله امغلط ,, تمت تطالع المكان تبي تستوعب اللي قاله ,, ماحست بعمرها الا وهي طالعه تركض من غرفة الدكتور وتصيح ,, تدعم الناس ماتحس بحد ,, تشوف الموت جدامها ,, وقفت برى المستشفى ,, وهي تضرب العواميد ,, وتخربط فالكلام ,, خذت الجوال ,, وتمت تدق على سعود وهي تتنافض لدرجة انها قعدت على الارض حست انها مينونه ,,

سعود : هلا والله حبيبتي ,,
الجوري ميته من الصياح : سعوووووووود انا حامل سعووود الحق علي
سعود انصدم صدمة حياته ,, صار اللي كان خايف منه ,, : ها
الجوري : سعووود الله يخليك تعال اخطبني اليوم والله بموت لوحد عرف بيذبحوني تعال ياسعود تعال ,

طوووووووووط طوووووووووووووط طووووط ,, ماسمعت الا صوت التلفون رضخ في ويهها ,, ليش سكر في ويهي ؟! ,, تمت تتصل وتتصل محد يرد عليها ,, واخر مره اتصلت حصلته مغلق ,, سعووووووووووووووود لاتخليني ارجووووك ,, بموت بروحي ,, ارجوك لاتطلع نذل انت قلت لي بنتزوج ,, حذفت التلفون فالشارع وتنتف نتفه نتفه ,,

...............................

بعد مرور يومين ,, شهد رجعت بيتهم ,, بعد ما قنعت الكل انها متهاوشه معا ريلها ,, دخولها المستشفى وتسقيطها للياهل محد عرف عنه ,, طبعا ,, بدر محتار في امرها وشيسوي ,, يحس انه ضايع ,, يبيها يموت فيها ,, ويحس ان شهد مستحيل تسوي هالسوالف ,, بس كل شي جدامه وشاف بعيونه ,, الجوري ماعلمت احد للحين تتصل في سعود عندها امل انه يمكن يرد عليها ,, حبست عمرها في غرفتها ماتبي تشوف احد ,, ماتبي يلاحضون عليها ,, التغير حتى في ويهها عيونها محوطها السواد من السهر والتفكير ,, لدرجة انها تمت تنط على السرير تبي الياهل يطيح ,, بس تطيح على ريلها وتتم تصييح ,, تحس الياهل مظلوم ,, مظلوم حرام والله حرام ,, اميره كلمت صالح عن الموضوع وانصدم ,, اشلون راكان يتجرأ يسوي جذيه ؟!!!!!! ,, لازم اتصرف وفي اسرع وقت

اليوم خطوبة اميره ,, شهد اعتذرت لانها صج صج كانت تعبانه طول يومها تصيح وفي غرفتها ,, على الياهل اللي طاح ,, وحست انها كرهة بدر ,, وفي نفس الوقت حبته اكثر ,, ماتقدر تلومه ,, أي واحد في مكانه بيسوي جذيه واكثر ,, حست بالالم والتعب والعذاب يقتحم صدرها وقلبها ,, ومع ذلك بتتم ساكته مرده يعرف اني مظلومه

بعد اذان العصر ,, الكل كان في بيت بوراكان ,, ويابوا الملاج ,, وملجوا ,, خالد طايرمن الفرحه ينطر الليله علىشان يشوفها يحس قلبه بيطلع من مكانه من كثر ماهو مستانس ,, اميره ,, كانت فرحانه وايد ,, واخيرا اللي تبيه صار ,, ارتبطت بالانسان اللي حبته ,, وتمنت انها تكون معاه ,,طبعا صوت يباب ام راكان ملا البيت ,, وحضنت بنتها وهي تصيح ,,

بعد ما ماراح الكل ,, وقعدوا كلهم ,, في الصاله ,, تموا يباركون حق اميره ,, وهي ميته من المستحى ,, اشرت حق صالح انه يتكلم

صالح : راكان " مسك يده " قوم معاي ابيك ,,

موضوع: رد: بدر سامحني الأحد فبراير 03, 2008 8:04 pm

الفصل الخامس عشر والاخير

: الوووو سعود ؟!! رد علي سعود " تصيح والله متوهقه ,, والله حرام عليك انته وعدتني تاخذني وسويت هالشي بدون رضاي ,, حرام عليك ,,

مثل كل مره ,, طوووووووط طووووووووط طووووووووووووط ,, سكرت التلفون ,, وبكل الم ,, وهدوء حطت راسها على السرير ودموعها تنزل ماتوقف ,, دموع ندم قهر ,, تمت تتذكر الايام قبل لاتتعرف عليه ,, مستانسه مرتاحه معا البنات ,, لامبالاه ,, ولاخوف ,, ولاتوتر ,, انا يبت هالشي حق نفسي انا ,, شوي والا يرن التلفون شالته بسرعه

الجوري : الوووو
سعود : سمعيني ,, ابيج اليوم تين الشقه ,, بنملج ,,
الجوري بفرح ومب مصدقه : سعود والله ؟!! صج حبيبي ؟!!! انته ماقصيت علي يعني
سعود : تعالي بنملج وخلاص ,, انطرج على الساعه 10 ,,

سكرت من عنده وهي مب مصدقه ,, تلمس جسمها بطنها ,, ملحفها وحتى السرير تبي تصدق انها مب حلمانه ,, لاصج ,, والله صج ,, سعود اتصل وقال بنملج ,, بيفكني من العذاب ,, سعود حبيبي ماقص علي ,, فديته والله فديته ,, من الفرحه قامت تجهز ملابسها من الحين وترتب ,, وتطالع الدريشه متى ايي الليل عشان ارتاح ,,حطت الساعه جدمها وهي تصييييح ,, وتضحك مب مصدقه مب متوقعه

..........................

كلمه وكلمه مافي فايده ,, راكان بيتم راكان اللي عمره مايتغير لئيم ,, وحقير واناني ,, ولافي فايده منه ,, بتظل جذيه طول عمرك ,, طلع من الغرفه وهو منقهر يعض شفايفه ,, لوبيدي جان ضربته نتفته ,, بس والله مابيدي شي ,, راح غرفة اميره ,, حصلها قاعده تجهز فستانها ,, قالها كل اللي صار ,, تنهدت بقووو وهي تقول في داخلها ااااه ,, والله تعبنا منك ياركان ,, عمرك مابتتغير ,, شهد الله يعينج ,, والله يعين قلبج ,, شنو مصيرج ؟!! ,, اخوننا هدم حياتج ,, هدمها ,, قعدت معا صالح يفكرون شيسون ؟!!!!!

.............................

تجهز الكل حق الخطوبه ,, وراحوا كلهم القاعه واولهم الجوري ,, قررت انها تطلع من الخطوبه الساعه 10 وتروح عند سعود ,, عادي لوعرفوا بيكونون متزوجين ,, ومحد بيقدر يتكلم ,, قعدت في غرفتها ,, وهي تتذك هاللحظه من شهور ,, لما كانت تجهز فستانها وهي رايحه الصالون عشان تجهز ,, مسحت دموعها اللي تنزل وتنهمر دون توقف ,, وهي تطالع التلفون لااتصال ولامسج ,, اااااااااااه ياقلبي ماعرف شسوي اقول حق من والا اشلون اريح قلبي ,, خذت التلفون وبدون ماتحس دقت له مشتاقه له قلبها بيتقطع ,, تسمع رنات التلفون وهي تفكر اشلون حالته الحين ؟!! شنو انا صرت بالنسبه له ؟!!!

:الوو
شهد مرتبكه وماحست بعمرها الا وهي تصيح : بدر حبيبي
بدر بقهر : اشتبين ؟!! تبين الطلاق ؟! ولايهمج حبيبتي
شهد بشهقه : لا مابي الطلاق ابيك بدر انته ظالمني والله ظالمني ماتبي تسمعني ولاشي
بدر بصراخ : شسمع انتي تتطنزين علي ؟!!!! والا شنو ؟!!! كل شي جدامي كل شي شفته كل شي بان
شهد بقووه : ماردك تعرف اني مظلومه مردك

وسكرت بسرعه ,, حذف التلفون وهو يتألم ,, انا مصدقج والله امصدقج ياحبيبت قلبي ,, بس اشلون ؟!!! تخربطت كل شي فوق تحت ,, شنو هالمقطع الخايس اللي شفته ؟!! يمكن تكون مب هي ؟!! لاهي ملامحها صوتها وطريقة كلامها بس انا مع هذا كله امصدقها ,, والله امصدقها ,, كل شي ضدها ,, ماعرف شسوي ,, " مسك راسه وبيأس " احترت في امرج ياشهد مدري اصدقج والا اصدق اللي شفته بعيني ؟!!

...........................

مشت بخطوات بطيئه,, على انغام الموسيقى الهاديه ,, كانت طالعه قمر ,, تينن ,, الكل انبهر بجمالها ,, ماشاء الله عليها ,, مستحيه حدها ,, تمشي وتطالع الارض ,, وهي قاعده شوي بعيد عنهم ,, تطالع الساعه وكل ماتزيد شوي ,, تزيد معاها دقات قلبها ,, وتتخيل اشبيصير بعد شوي ,, بعد هالدقايق ,, حست بالخوف ,, يارب استر علي ,, نزلت دموعها ,, ومسحتهم بسرعه ,, دقت الساعه 10 ,, خذت عبايتها بسرعه وطلعت تلبسها برى بدون محد يلاحظ ,,غطت ويهها وراحت تدور بين السياير ,, لين شافته ,, بنظراته الحاده اللي خلت قلبها يرتجف ,, راحت بخطوات سريعه وركبت ,, يطالعها في داخله يقول كاشخه حق الملجه الاخت,, اللي مثلها المفروض يستحي على ويهه ويعلن الحداد ,,

الجوري فرحانه : السلام عليكم
سعود بهدوء : عليكم السلام ,,

من بعد هالكلمتين ,, عم الصمت المكان ,, وهو يسوق بسرعه بطيئه ,, متوجه صوب الشقه اللي الله يستر اشبيصيرفيها ؟!! ياترى يصدق في كلامه والا ؟!!!!!!

.............................

كانوا قاعدين في الميلس البراعي من بيت بوراكان ,, وهم فرحانيين اخر فرحه ,, مب مصدقين ان حلمهم تحقق ,, يبون الناس كلها تفرح معاهم ,, تحس فيهم ,,

محمد : الف مبروك يالغالي على المسيد ,,
صالح مب شايلته الفرحه : والله مب مصدق اللي شفته اليوم المسيد كامل متكامل ,,
محمد خطرة في باله فكره : صالح ,, اشرايك نبتدي مشروع الخير من الحين ؟!
صالح : مافهمت ؟!!
محمد مسك يده وهو قايم : قوم معاي ,, وانا افهمك ,,

..................................

زادت دقات قلبها وهي تركب اللفت ,, طول الوقت هادي وساكت ,, معقوله مايبي يتزوجني ؟!! بس عشان الجنين؟!! ,, اااه خل اتزوج وافتك بعدين يسوي اللي يبيه ,, وهي تطالع فوق ,, يارب ساعدني ,, يارب ,, طلعوا من اللفت ,, ومشوا بهدوء صوب الشقه ,, طقووا الباب ,,

جاسم خايف : اوووووشششش ستوب شباب ,,

راح يفتح الباب وهو متردد ,,

جاسم بصوت متوتر : هلا سعود تفضل ,,

دخل سعود ودخلت الجوري اللي انصدمت من اللي شافته ,, معقوله ؟!! نفس كل يوم سهر وخرابيط !! ,, تمت تدور وتطالع ,, محد المطوع وينه ؟!! سكروا الباب ,, وفسخ جاسم غترته ,, وحذفها على الكرسي ,, ونظراته تعم المكان ,, الشباب يطالعونه مستغربين وهي بعد ,, اشلون ايبني وربعه كلهم اهنيه ؟!! قبل محد غير جاسم وواحد منهم ,, انفاسها بدت تتزايد ,, ودقات قلبها تنبض بقوووو عاللي تشوفه جدمها حست بالخوف ,, الامان اللي من شوي تلاشى واختفى ,, قرب سعود وهو يبتسم ابتسامه خبيثه ,, " تبين نملج حياتي ؟!!!"

الجوري مستغربه : سعود انته قلت لي لايكون غيرت كلامك ؟!!
سعود مسكها من يدها : لالالالالالالالالالا مستحيل اغير كلامي تعالي معاي الغرفه الملاج هناك ,,
الجوري : اوكي

مشت الجوري معا سعود لين الغرفه ,, دخلت ,, وكل الشباب يطالعون بعض مستغربين ,, لان محد يعرف بسالفتها ,, غيره هو وجاسم ,, دخلوا الغرفه ,, وبدا ويهه يتغير وهي تلاحظ ويزيد خوفها ,, قرب منها ومسكها من شعرها ,,

سعود : تبين نتزوج ؟! ان شاء الله ولايهمج

وانهال عليها بالضرب ,, القوي ,, تم يضربها على راسها ويسطرها على ويهها ,, وينتف شعرها ,, لدرجة انه تم شعر في يده ,, وهي تصارخ ,, الكل التزم الصمت وقاموا الشباب يبون يشوفون شسالفه ,, بس جاسم قالهم مايروحون ,,

الجوري وهي متلوته على عمرها وتصيح وتصارخ : اااااي سعود حرام عليك ليش تسوي جذيه
سعود تم يرفس بطنها وبصرراخ : هذييي بيطيح ,, يالكلبه ,, انا ماعندي ولد انتي امه حقيره وووصخه وبنت شوارع ,, " كان يقول هالكلام وهو يتلذ يحس انه قاعد يحرق قلب راكان زياده وزياده " فاهمه ؟!!
الجوري تتألم ,, تحس الدنيا تدور فيها ,, ماتشوف : حرام عليك ياسعود انا حبيتك والله حبيتك
سعود وهو يزيد فالضرب : راكان الخايس هو السبب فاللي انتي فيه الحين ,,

مايسمعون االا صوت صراخها اللي ينتف القلب ,, ماقدروا يتحملون ,, تموا منزلين راسهم ,, وبعد فتره طلعوا كلهم من الشقه الا نواف وجاسم ,, نواف كان سكران مب حاس بعمره ولافاهم شسالفه ,, جاسم ,, قاعد على الكرسي ويتنافض ,, يفكر اشبيصير لوعرفوا بالسالفه ,, ياكل اظافره من الخوف ,, والرهبه ,, شوي والا الجرس ,, نقز نقزه من الخوف , لانه كان يفكر وصوت الجرس قوووي ,, قطع افكاره مره وحده ,, قام نواف وهو يغني ويمشي صوب الباب ,, طل يشوف منو ,, وتعالت ضحكاته " صالح يا جسوووم ماقلت لك مرده يرجع "

وقف جاسم ,, ووقف سعود فجأه من سمعوا كلمات نواف اللي انهالت عليهم مثل الماي البارد ,, اللي وقف الدم في جسمهم ,, سعود من كثر مادقات قلبه تطق بقووو يحس ان جسمه كامل يدق معاه ,, جاسم قال حق نواف وقف , وراح يركض عند سعوووود ,, اللي حذف الجوري ,, وقفل الباب ,,

سعود حذف المفتاح من الخوف : مادري شنو جسوم ؟!!!
الجوري كانت تصارخ بأعلى صوتها وترضخ الباب من الالم ,, والجرس كل شوي يزيد ويزيدصوته ,,

جاسم : روح المطبخ روح انخش ,, وانا بحاول احل السالفه ,,

راح سعود المطبخ وقفل عليه وقعد على الارض وهو يتنافض حس ان يومه قرب ,, خلاص ,, فتح جاسم الباب والا يشوف صالح جدامه بأبتسامه معا محمد ,, دخلهم ,, صراخ الجوري كان عالي ماتسكت من كثر ماهي تتألم من ضرب سعود ,, وخصوصا انها حامل " محمد وصالح كانوا يبون الشباب ايون وياهم المسيد يرونهم ويكلمون يمكن يهتدون "

صالح ملاحظ الصراخ : شسالفه جاسم ؟! منو البنت اللي تصارخ ؟!
جاسم من الخوف ماقدريسيطر على نفسه ,, وتم يتنافض : ..............
نواف : هههه هاي بنت قص عليها سعود مسكينه ,, تخيل ياصالح ,, خلاها تحمل منه
صالح منصدم : حرام عليكم وليش تصارخ البنت اشفيها ؟!
نواف : ضربها كسرها ,, خلاها تموت من الصياح ,,
صالح قايم : انا بروح اشوفها انتوا ماعندكم قلوب ؟!
جاسم وقف,, حس ان خلاص انكشفوا وتم رافع يده مثل الحرامي : ان مالي شغل صالح والله مالي شغل هاي كله من سعود
صالح منصدم : اشفيك خايف زين ؟!!! خل نطلع البنت تروح في حال سبيلها ,,
جاسم احمر ويهه : انته مب فاهم شي ,, " ركض صوب الباب " انا مالي شغل والله

وطلع من الشقه يركض ,, صالح من شافه جذيه ,, قال اكيد فيه شي ,, نواف راح يركض وراه ,, مايدري شسالفه ,, بس راح وراه ,, التفت صالح على محمد

صالح : محمد روح وراهم سكارى لاحد يشوفهم وانا بروح اطلع البنت حسبي الله عليهم ,,
محمد : ان شاء الله

راح محمد ,, وراح صالح ,, اللي مايدري عن المفاجأه اللي بتصدمه ,, سعود يسمع خطواته وقلبه يطق مع خطوات صالح وده يموت ينتحر ,, يذبح عمره ,, خذ صالح المفتاح ,, وجك جك ,, فتح الباب ,, شافته وشافها ,, وصار الهدوء ,, تم واقف من الصدمه مب مصدق " الجوري " مستحيل ,, تم يتلفت وراه يمين يسار يرد يطالعها الا الجوري ,, مب غلطان ,, شافته تمت ,, تصيح وتضحك من الخوف ماتعرف شتسوي صالح جدامها يشوفها في الشقه صالح ؟!!!!!!!!!!!! ,, التفتت على الدريشه وراحت تركض ,, فتحتها بسرعه وتمت واقفه ,, والكحل سايل على ويههها

الجوري تضحك وتأشر بيدها : لاتقرب مني ؟!!! ترى والله اذبحك لاتقرب مني
صالح مسك قلبه من كثر ماهوا متألم ,, مصدوم ,, منذهل ,, " ينت الجوري "اخته جدامه في شقة ربعه ,, مب مصدق عيونه راح عندها وهو مب حاس بعمره ,, او ماشافته يقرب ,, تمت تصارخ وتصيييح

موضوع: رد: بدر سامحني الأحد فبراير 03, 2008 8:04 pm

و

نطت من الدريشه ,, ,, وهي على هالحاله ,, ماتت ,, ماتت ,, طل من الدريشه ويشوف اخته تجذبها جاذبية الارض تحت ,, تم يتنافض ,, من هول مايشوف ,, احد ينتحر جدامه , ومنو ؟؟!! اخته ,, ؟!!!! اخته الجوري ؟!!! ,, شوي والا يسمع صوت صراخ من وراه ,, التفت وهو للحين مذهول مب مصدق مب مستوعب , اللي صار

سعود يأشر على نفسه وملابسه متشققه وحالته حاله: انتوا اللي حديتوني على هالشي ,, عشان تعرف اني اقدر اخذ حقي حتى لو بشرفكم ياصلوح ,, راكانوه ابيه يدري بكل شي ,, ابيه يعرف ان سعود هو السبب في هاي كله ,,

وراح سعود يركض ,, برى الشقه ,, وصالح ثابت مكانه , مب راضي يصدق اللي شافه ,, الاحداث من دخل الشقه , تمر في باله ,, مثل شريط الفيديو ,, تم يتنفس بقوو ,, فتح اول ازرار من ثوبه , يحس مختنق ,, رد يطل من الدريشه ويفرك عيونه الا يشوف الاسعافات والشرطه مالين المكان ,, طالع جدامه والا يشوف محمد داخل الشقه ,, ياي صوبه ,,

شقولك يامحمد ؟!!! عن اللي صار فأخوك , يحاول يحل المشاكل ,, ويبتلي ,, اختي شرفي ,, صار فيها جذيه وين اودي ويهي من الناس ؟!! وين اودي ويهي من عذاب ربي ,, ماكنت اراقبها ,, اسألها وين اتيي ووين تروح مادري انا الغلطان ؟!!!!والا الزمان اللي صار جذيه ,,؟!!

..................................

ما اقدر اوصف لكم ,, حالة اهلها ,, والخزي اللي صادهم ,, راكان ,, بعد ما اقدر اوصف لكم حالته لان اللي صاده درس يمكن في حياته كلها ماتعلم نفسه ,, كرهوها ,, تم يدعي عليها ويلعنها من القهر ,, بس يرد ويلقي اللوم على نفسه ,, فجأه تذكر " شهد " مرو الاحداث جدامه كأنها تذكير ,,باللي كان يسويه في بنت الناس ,, اعتصر قلبه قهر ,, اعتصر قلبه ندم وحزن ,, مافكر انه يدور سعود ,, ولاياخذ ثاره منه ,, اللي صار صار ,, ومايبي يتذكر السالفه كلها ,, بس مرده يصير فيه شي يخليه يندم ,,

الجزاء من جنس العمل ، والحصاد من جنس البذرة ، واعمل ما شئت فكما تدين تدان !!

,, ,, ,, ,, ,,

بعد مرور يومين على هالحاله ,, والصدمه اللي اقتحمت عقول الكل ,,

مشى راكان ,, والا صالح ماخذه السياره مستغرب ,, اشفيه ؟!!!!!! ,, ركب وحرك صالح بسرعه جنونيه ,, صوب البحر ,, راكان قلبه يطق بقووو ,, اشفيه ؟!!! خااف من حركات صالح ,, وخصوصاً ,, انه طول الطريج مايتكلم ,, وصلوا البحر ,, وكان قريب المغرب والشمس بدت بالغروب شوي شوي ,, نزل ,, صالح وراح وقف جدام البحر ,, ونزل راكان اللي رايح ورا اخوه ولاحاس بشي ,, التفت صالح عليه بنظرات خلته يتنافض في مكانه ,, نظرات هزت شي داخله ,, نظرات خوف ,, على عصبيه على تحذير ,, تحرك قلب راكان وكأنه ينبض من يديد ,,

صالح يأشر عليه ببرود : قرب شوي
راكان مافي يده الا انه يسوي مايقوله صالح : ان شاء الله

قرب صالح من البحر اكثر ين دخل فيه ومشى مسافه شوي بعيده عن الشاطئ وراكان وراه ,, وين رايح هاي ؟!! اشفيه ؟!!!!!! ,, ليش يايبني البحر ,, وليش جذيه يكلمني ,, التفت صالح على راكان ,, ومسكه من رقبته ,, وهو يدخلها فالبحر ,, " حس فالبنت ,, قوم من غفلتك ودنياك اللي كلها عبث في عبث ,, " راكان انفجت عيونه داخل البحر ,, يحرك راسه بقو يبي يطلع برى الماي مايقدر تم يحرك يده يمسك يد صالح اللي كل شوي تشد اكثر على ارقبته ,, يحاول يشيلها بس مافي فايده ,, حس النفس وقف ,, مافيه نفس حس انه يشرب ماي ,, صالح يشوفه جذيه ويهه احمر ,, خلاص مايقدر يتحمل اكثر ,, هده ,, ونقز راكان مره وحده ,, وهو ماسك صدره ويتنفس بقووو ,, وويهه كله ماي ,,

راكان مب مصدق انه يتنفس ,, شاف الموت حس بالموت : انته مب صاحي " ااه ااه يتنفس بصعوبه " بغيت اموت ,, ااه والله بغيت اموت ,,
صالح بصراخ : هذي حياتك يا راكان ,, وهذي الحياه اللي عيشت البنت فيها ,, ماخليتها تقدر تتنفس من الالم والضيق ,, وانته تسرح وتمرح ,, شوف يوم تنفست اشلون ؟!!!! هذي الحياه اللي بتفرحك وبتريحك دنيا واخره ,, حس ياراكان انته اخوي الكبير والمفروض انت اللي تقولي هالكلام ,, انا فكرت وقلت مافيه الا الطريقه يمكن يحس فيها ,, اصحى من غفلتك ,, انته حتى صلاه ماتصلي ,, حرام عليك ,, ليش تسوي جذيه ؟! البنت تزوجت ,, شستفدت لما رويته ريلها ؟!!! اكيه في بيتهم واحتمال يطلقها وووالله والله والحين احلف لك ان لوفكرت تتزوجها ,, والله مب قابله فيك انسى مستحيل والله مستحيل ,,

مشى صالح صوب السياره ,, وراكان واقف مكانه مصدوم ,, قعد فالبحر على طول ريوله تنافض مايقدر يمشي ,, وماتقدر تشيله ,, قلبه تم يطق بقووو ,, حس ان كلام صالح حرك فيه اشياء واشياء ,, وهو في هول الصدمه ,, سمع صوت عذب ,, حس ان قلبه تحرك لهاي الصوت ,, من زمان ماسمعه ,, من زمان ماتأمله ,, من زمان ماحس بهالاحساس الحلو ,, من زمان ما ............ ووقف فجأه التفت وراه ,, الا الناس رايحين ,, يمشون مسرعين ,, اللي ماسك ولده ورايح ,, واللي هادين لعبهم وماشين ,, واللي طالعين من خيام فالبحر ,,ورايحين ,, كلهم يتسابقون ,, وهدفهم هالمكان ,, وقف وتم يطالعهم ,, دموعه خانته ونزلت ,, في هاللحظه قلبه تأثر ,, بدا بنبض من يديد .. بس نبض طاهر ,, نبض غير عن كل النبضات ,,

تم يطالعه من بعيد ,, وهو حاس ان اخوه غير عن كل مره ,, حس ان هالمره الكلام ياب نتيجه تأثر فيه ,, رفع يده " يارب تهديه" نزل من السياره ,, والايشوفه راكان ,, رايح معا اللي رايحين ,, كلهم متجهين صوب المسيد ,, ربهم ماغاب عن عقلهم يوم ,,, كلهم يتسابقون على الصلاه والايمان ,, وين ياراكان ؟!!!!!! هالحزه من كل يوم ,,, انته تسمع اغاني ,, انته راقد ,, انته تشوف التلفزيون ,,, انته وانته وانته ,,,

على طول ركب سيارة صالح وهو يسوق بسرعه جنونيه ,, صوب البيت ,, ماعنده كلام مايعرف شيقول بس مستحيل يسكت ,, وصل ووقف ونزل بسرعه بس قبل لايدق الجرس وقف ,, انتفضت يده حس برهبه , من اللي بيسويه ,, مب مصدق ,, انا ؟!! عمري مافكرت اني اسوي هالشي ,, دق الجرس ,, وهو يقول انا مجبور اني اسوي هالشي مجبور ولازم ,, انفتح الباب ,, وشافه جدامه ,, قرب منه وريوله تتنافض ,, ماعرف شيسوي الا انه حضنه وهو يصيح ,, وكانت دموع الندم تاكل قلبه ,,

راكان بشهقات : بدر سامحني .......!!
بدر ابتسم :انا فهمت الموضوع ياراكان ,, وانحلت المشكله ,, انا لو شايفك قبل لاتيي اهنيه اليوم ,, جان صار شي ثاني ,, بس الحين ,, انا مسامحك ,, " وحضنه بقووه اكثر "
راكان مب مصدق : بدر انته ريال وتسوى 100 ريال ,,
بدر : انا مابسوي شي في بنت الناس قبل لا اتأكد وكان قلبي حاس ان اللي صار جذب ,, صالح اخوك ياني وشرح لي كل شي ,, وشهد عندي الحين ,,
راكان يطالع الارض : ولدك راح بسببي ,,
بدر : ادري ,, ولدي ان شاء الله بيني غيره الله مب كاتب لي فيه نصيب ,, واهم شي انك ندمت ياراكان ,, والله يسامحك وانا مسامحك ياخوي

............................

خالد : والله هالشي ,, مابيخليني اتخلا عنج والله

..............................

سلمان : والله مب مصدق ان خلاص ملجنا ,,

.............................

؟؟: مب محصلين حق حور احسن من ولدكم راكان ,,

.............................

بعد اسبــوع ,,

دخل عليها حصلها ماسكه بطنها وتبتسم ,, نغزه قلبه ,, وقرب منها وكان يتمنى تقوله الكلمه

بدر : اشفيييج شسالفه ؟!!
شهد : انا حامل بدر انا حامل

بدر ماصدق شتقول حضنها وهو طاير من الفرحه " ربي لايحرمني منج يالغاليه "

...............................

في مسيد صالح ,, كان قاعد وفي يده القرأن يرتل ودموعه تنزل ,, وفي يده الثانيه مصباح يسبح فيه ,, شافه وياه على طول يقوله الخبر الحلو

صالح : راكان ,,
راكان : صدق الله العظيم " التفت على صالح " امر ياخوي
صالح : حور وافقت ياخوي الف مبروك تستاهل كل خير ,,!!
راكان حضن اخوه والفرحه ماليه قلبه ,, : الله يبارك فيك عقبالك يالغالي ,,

.. .. ..

النهايه ,,

الي حبيت اوصله لكم من خلال الروايه ان " كما تدين تدان,, والصبر والثقه بالله اهم شي والحق يطلع يطلع مهما كان "

اتمنى ان تكون النهايه حازت على رضاكم ,,

موضوع: رد: بدر سامحني الأحد فبراير 03, 2008 8:26 pm

مشكوووووووووووووووره ماتقصرين تعبتي نفسج

يسلموووووووووووووووووووووووووووووووووووووووووووو

يسلمووووووووو موضوع رائع

[img]https://2img.net/r/ihimizer/img516/7739/52582855jb6.gif[/imgr]
خيتوووووووو

موضوع: رد: بدر سامحني الجمعة فبراير 08, 2008 3:18 pm

يسلمووووووووووووووووووووو

مشكوووووووووووووووووووووووووووووورة

يغطيك العافيه