هذا حلا اختي سوته ولا تتعجبون اسمها الخطيره طبعا هذا الاسم المستعار
السلام عليكم ورحمة الله وبركاته
كيفكم بنوتات مع المطبخ؟؟
بيضوا وجيهنا وخلوكم سنعات عشان تنخطبون>خخخخخ
سويت حلى وصورته من مطبخي..
مدة اعداد الحلى : ربع ساعه.. والشاطرة تقدر تخليه في 10 دقايق
ان شاء الله يعجبكم..
من غير ما اطول هذي المقادير..
المقادير:
2 بسكوت شاي..
حليب سائل..
كاس ونص سفن اب..يعني تقريبا علبتين الا ربع
2ظرف كريمة كراميل
1 كاس حليب بودرة..
كاكاو بودرة..
جبن كيري..
ربع حليب نستله..
3ظروف دريم ويب..
1 قشطة..
الطريقة:
الطبقتين الاولى والثانيه:
اول شي نمسك البسكوت ونغمسه في الحليب ويرص في بايركس (ويكون طبقتين
الطبقة الثالثة:
بعدين نسكب في قدر على النار كاس ونص سفن حتى يغلي..
وبعد مايغلي نحط عليه ظرفين كريمه كراميل وواحد كاس حليب بودرة وملعقة كبيرة كاكاو بودرة يحرك حتى يثقل ثم يصب على البسكوت بسرعه ( يعني وهو حار عشان لا يجمد الكراميل في القدر ) وتدخليها في الثلاجة الين ماتسوي الطبقة الاخيرة
الطبقة الرابعه:
نحط في الخلاط:
6 حبان جبن كيري+ ربع حليب نستله + 3 ظروف دريم ويب + علبة قشطة.
بعد ماينخلطو اسكبيها على الطبقه الثالثة..
واخر شي زيني الشكل اللي فوق بالفليك او اي شي تحووبيه..
وبالهناء والعافيه
