الحب ابتدى

تبتدي الحياه.يبتدي العمر بس متى يبتدي الحب متى نقدر نقول الحب ابتدى؟!!الحب ابتدى قصه رومانسيه ثقافيه اجتماعيه قريبه من واقعنا للكاتبه "الحب ابتدى" والحين نبدأ القصه بتعريف الشخصيات
فرحه:- بنت عمر عمرها 5سنوات سموها فرحه لانها لمايات يابت معاها الفرحه وبطبعها كانت هي الدلوعه ووايد تتمشكل مع بنت عمها ساره(ساره وفرحه بنفس العمر)
سالم:عمره 25سنه متزوج وبنت ساره وولده خالد اللي يدرس بالصف الاول ابتدائي
نوره:- اكبر خواتها 27 سنه ماتزوجت
سمر:-أصغر من نوره 25 سنه وهي توأم سالم متزجه وعندها محمد(أول ابتدائي) وزوجها بومحمد دكتور أطفال
أنوار:-آخر العنقود وآخر سنه ثانوي تخصصها تجاري وتحلم بدراسة الأعمال دلوعة أمها وأبوها وماينرفض لها طلب
بوفرحه:- اسمه عمر وهو العود30سنه زوجته منى (أبوه سماه عمر على اسم واحد رفيقه لما عمر انولد رفيقه مات)
بوعمر :- ريال شايب وعنيد شرطه لما يزوج عياله وبناته انهم يتمون في البيت العود علشان مايفارقونه وهو صاحب افضل شركات الاثاث في الديره
أم عمر:- مرأه والنعم فيها عوده في السن قبل التقاعد كانت تشتغل معلمه
بعد ماتعرفنا على الشخصيات لازم نعرف شنو بيصير وشنو هي قصتنا

الجزء الأول:-
في البيت العود
----:- يمه يمه شوفيها<<<صوت فرحه
منى (أم فرحه):- وأنا كل مااشوفكم اشوفكم تتهاوشون
ساره:- حالتي(يعني خالتي) هي اللي غلطت طقت دودو(لعبة ساره)
منى لما شافتهم تمت تضحك وتقول لروحها:-ياريت كل الناس ببراءة هالأطفال فرحه مدت البوز شبرين وماشاء الله فرحه جمالها غير طبيعي اما سارونه فجمالها كان عادي فرحه اطلعت من الغرفه ولحقتها ساره وهي تتحطم وتتحلف على فرحه .
بوفرحه دخل الغرفه وباس مرته على راسها :-وأنا كل مااشوفهم اشوفهم يتهاوشون مايملون !
أم فرحه:- شنسوي بعد يهال
بوفرحه:- على قولتج
منى:-شكلكـ تعبانـ
بوفرحه :- أي والله تعبانـ حيلـ انا باقوم اتسبح على مايحطون الغدى
منى:- صار يالله باقوم اقول للخدم يزهبون الغدى وقامت لم فرحه وكلمت الخدم يحطون الغدى وراحت للكل تقولهم ينزلون حق الغدى ولما وصلت لغرفة انوار طقت الباب بس انوار ماترد خافت شافت الباب مفتوح تجرأت ودخلت الغرفـهـ ،أنوار ماانتبهت لانها لاهيه في التلفون
أنوار:- ok baby اليوم لا مااقدر خليها باكر والله أحبك خلاص باكر الساعه8:00 الليل أي في الكوستا كافيه صار أي باي
منى طلعت من الغرفه قبل ماتلاحظ أنوار وكانت منصدمه وماتوقعت أن أنوار من هالنوعيه من البنات فقررت تقطع الشك باليقين وتروح المكان اللي تكلمت عنه أنوار
منى :-أأأأأأوه نسيت ..ميري ميري
ميري:- يس بابا
منى وهي تضحك :-أنا مو بابا أنا ماما
ميري وهي تضحك:- يس ماما
منى:- عفيه على الشاطره روحي غرفة ماما أنوار وقولي لها تنزل حق الغدى
ميري:- وليش أنت مايروح
منى فجة عيونها:- نعــــــــــ!!!!ـم
ميري :- هزي بابا أنوار لسانه طويل
منى :- روحيلها وعن المرادد
ميري :- كلو كلام كلو قرقر كلو اوامر
بعد مامشت ميري منى راحت غرفة الطعام حبت ام عمر وابو عمر على راسهم وقعدت تاكل
بوفرحه:- شالسالفه اليوم قمر طالع
منى استحت والكل ضحك
سالم قطع الجو:-نحن هنا
بوفرحه:-افففف ..شكثر تغار..حبيبي اللي يغران منا يقلدنا(على أغنيه هيثم سعيد)
سالم قال لأم ساره:- أحبج
أم ساره(مريم)استحت وقالت :- انا بعد
الكل يضحك يات انوار وهي تركض حبت راس ابوها
انوار:- شالسالفه تضحكون
بوعمر:- السالفه ان بنتي قمر
انوار شقت الويه وطالعت الكل بنظرات غرور
سالم :- بلـ لاتصدقين روحج..بعدين تعالي انا كم مره قلت لج لاتحطين make up جذي ها
أنوار تمت تاكل وماردت عليه مو خوف بس غرور
بوعمر يب يهدي الوضع:- الاسالم شخبار الشركه
سالم :- الحمدلله يبه ارباحنا هالشهر خياليه
بوعمر:- الحمدلله
وبعد نص ساعه الكل راح غرفته اما الرجاجيل راحو الشركه
منى نزلت الصاله وكانت تفكر في انوار يات نوره وسمر
نوره وسمر:- مالوا القمر مالو
منى :- بسم الله خرعتوني
سمر:-لاتتهربي شفيج
منى:-لابس جذي سرحت من الملل
نوره:-ياريت من الملل
الكل يضحك وسمر قالت:-عند اذنكم باروح اريح في الغرفه
نوره ومنى :- اذنج معاج
راحت سمر وعلى طول قامت نوره وقعدت يم منى بالضبط
منى:- بسم الله شفيج
نوره :- أنتي اللي اشفيج قولي لي تخشين علي انا
منى كانت تحب نوره وايد وماتخش شيئ عنها قامت وقالت لها سالفة أنوار
نوره وقفت من الصدمه وقالت لازم نتأكد،باكر أنا وياج بنروح هالمكان اللي قالت عليه وياويلها مني لو طلع الكلام صجـ!!ـ
منى:- نوره مافي شيئ يي في القوه اذا تاكدنا تفاهمي معاها بالطيب انا مااقدر اكلمها لانها بتقول انا مرت اخوها وبتقولي لاتتدخلي بس انتي غير انتي اختها فكوني اختها اسم وفعل
نوره:-يصير خير
تمو يطالعو فيلم ولما خلص راحت كل وحده غرفتها
ثاني يوم كل شيئ طبيعي للساعه7 نوره استاذنت من ابوها علشان تطلع امامنى استاذنت من عمروفي الكوستا كافيه
منى:-نوره شوفي اكاهيا انوار
نوره شافت انوار وياواحد وقفت والشرار في عيونها بس منى يودتها و ردوا البيت
في البيت الساعه11 شرفت انوار ومحد يقدر يعاتبها ولايسالها وين كنتي ومن يوم رجعتي ومن اللي يتجرأ يسالها وهي دلوعة ابوها
نوره نادت انوار لغرفتها وقالت لها اللي صار وبكل عتب قالت نوره:- انوار ليش تسوين جذي
انوار والبرود مغطيها:- تغارين
نوره انصدمت من قلت ادب اختها :- أغار منج انتي
أنوار:- أي لاني احسن منج انا وجاسم نحب بعض وهو بيتزوجني اما انتي عانس يالله باي عنوس
طلعت انوار من غرفة نوره اما نوره كانت مصدومه من كلام اختها وقالت اذا اختي تقول عني جذي عيل شخلت للناس ..الناس لاعاتبوها ماينلامون مايعرفون ليش هي عانس اما انوار تعرف واهل نوره كلهم يعرفون وبعدين نوره عنست مو معناته انها ان محد تقدم لها بالعكس الخطاب لليوم يخطبونها بس هي ترفض لسبب واحد انها قررت تعيش على ذكرى الوليد أي نعم الوليد الوليد اللي حبها وحبته الوليد اللي وقف قدام اهله علشان يتزوج نوره بس في ليلة العرس مات بقضاء الله وقدره نوره والدموع تطلع من عيونها وتحرق خدودها الوردين :-آآآآه يالوليد مرت سنتين على وفاتكـ وكانهم قرنين وتمت تصيح من قلب وكانت تستغرب اشلون قدرت تعيش هالسنتين بدون الوليد
على الذكرى أنا باعيش لو الناس لاموني
صفحات الماضي تعيد وتزيد وتقول:- وينه الوليد عمري
راح لا ماراح واذا ماتصدقوني تراه جالس جنبي
هو سافر وبيرجع بس متى انا ماادري
تركتني بروحي في هالدنيا وخذت معاك قلبي
تعال ارجع ارجع يالوليد يافارس احلامي
وعلى هالابيات نامت نوره نامت عين ومانامت روح هذي نوه اللي حست بالكل قبل ماتحس بروحها ...
في اليوم الثاني تحديدا في غرفة سمر
سمر:- بومحمد شوف ولدك طلع لي روحي مايدرس
بومحمد بكل برود:- سلامت روحج خليه ياحليله قاعد يلعب
سمر:- ودراسته خالد ماشاءالله عليه نجح في الكورس الاول بامتياز بس ولدك اللي ياحليله نجح بتقدير جيد
بومحمد:- عادي توه ياهل
سمر عصبت من كلامه وبروده وطلعت
بومحمد:- يامحمد ياحبيبي ياولدي ليش تعصب امك ليش ماتدرس
محمد:- مافيني شده
بومحمد:-ههههههه ياحليلك ياولدي
محمد:-بابا ابي بطبطه
بومحمد:-بشرط
محمد:-شنو
بومحمد:-تييب امتياز
محمد :-اوكي
بومحمد:-لاحبيبي مانقول اوكي نقول انشاء الله
محمد:-ليش
بومحمد :-لان مافي شيئ يصير الابقضاء الله وبقدره
محمد:-انشاء الله
بومحمد:-عفيه على الشاطر
مرت الأيام اليوم موعد استلام الشهاده لجميع المراحل التعليميه أنوار كانت على أعصابها تبي تعرف النتيجه ونفس الشيئ ام سالم وام محمد يحاتون نتيجه عيالهم
شنوبيصير ...تتوقعون تيب انوار النتيجه اللي تتمناها ..وهل بيشتري بومحمد لمحمد بطبطه ..وشنو حال نوره
كل شيئ تعرفوه مع التطورات اليديده اللي بتغير من قصتنا في الجزء الثاني

يسلمو على القصه

مشكورة ع القصة

موضوع وايد حلو