كيف تعرفين اسم زوجك المستقبلى

مسا الخير

شواخباركم





كيفية اصطياد الزوج المناسب ( خاص للبنات فقط )


مرحباياحلوات،، كيفكم؟


طبعا الموضوع يخصكن يالبنوتات.... لاشوفولا شاب بيرد هنا




اترككم مع الموضوع




اذا انتي حاطه عينك على واحد وتحسيه مناسب لك فيه طريقه تفنتكه لك<<تفنتكه اي تزبطه


كيف تصطادين العريس اللي عينك عليه دون اللجوء الى الاساليب السقيمه
من المغازلات والتريقم والتميلح اللي ماله سنع والترزز بالاسواق الخ...<<الله لايبلانا

اهم شي اختاري العجوز اللي حاطه عينك على ولدها
ثم نفذي مايلي:

1/خليك مع امك لاتروحي مع البنات وتتهيبلي اصبري عنهم
كم شهر لين تتم العمليه.

2/امشي وانتي حاطه راسك بوسط كتوفك ولا ترفعينه ابد حتى
لو عورك راسك خلي الفقس دايما في متناول يديك.

3 كلمه خاله خليها دايما على لسانك خاصه لام المعرس
عشان تحس بالتميز عن باقي العجايز

#ملاحظه:لامانع تنادين عجوز ثانيه بخاله عشان اذا مانجحت الخطه
مع العجوز نمبر 1 تنجح من العجوز نمبر2[الاحتياط واجب وانا اختس]

4 اذا بدت امك تتكلم انغزيها بكوعك عشان تدخلك
بالحكاية حتى لو مالك دخل تطبيقا للمثل:
كثر الدق يفك اللحام<<داريه المثل ماله دخل بالحكايةبس وشو اسوي مالقيت غيره

5اخوانك الصغار لااااحقيهم وطامري معهم وين مايرحون حتى لو ماهي
عادتك بس تصرفي معهم كانك امهم عشان العجوز تاخذ فكره
انك حريصه على ذريتك<<وش دخخخل الذريه

6 كل ماكلت امك من اكله زينه خليها تقول:نفس الاكله
اللي تسويها بنيتي حتى لو الاكل من مطعم صيني او مكسيكي

7اذا جيتي بتمدين ايديك توجعي وخلي امك تقول: قايلتلك
انا وامك ماله داعي تنظفين جدران البيت
الخارجيه<<اقول نظفي غرفتك اللي تقل شريره تقولين ثايره فيها قنبله

8 اذا تكلمو الحريم عن العرس اكتمي نفسك لين تحممممر خدودك
عشان يقولون البنت تستحي ومالنا داعي نتكلم عندها<<بس لاتكتمي نفسك مره
اخاف تروحين فيها واصير قتلت نفسا بغير حق

9 مهما كان موضوع الحوار حماسي لاتبدين رايك خليك
مثل البكما لان اللقافه تجيب اجل الحظ

10شعرك افرديه لاتخليه طاير ولا تجعديه مهما كانت الموضه
لان العجايز مايدورون الا اللي شعورهم ناعمه<<مثلي خخخخخ

11 اذ ادلت العجوز باي راي سواء كان سياسي والا
وطني والا اقتصادي وافقي عليه حتى لو انه ماله داعي
#مثال:العجوز:بوش متقهوي عندنا البارح قوليلها:
وليه ماعلمتينا ياخاله نجي نساعدكم<هههههههه

12في العرس اضغطي على نفسك واقضبي ارضك
ولا ترقصين واعتبري الرقص عيب

13اذا جاء طاري السوق<<وهو لازم يجي هاطاري لانه
ملح الجلسه عند الحريم خلي امك تقول:بناتي مايحبون
يطلعون للسوق ابوهم يجيبلهم اغراضهم

[الحين العجوز بتكون وقعت في الفخ]

* * *

نروح للمعرس الحين<<مطوله ماعنده نيه تخلص

1اهجدي في بيت اهلك ولا عاد تطلعين واذا المعرس بيشوفك
خلي ابوك يقول:والله ودي تشوف البنت من دون ماتدري عشان تاخذ
راحتك وانا عمك وبعد تشوفها عالطبيعه وماتقول غشيتوني<<ايه هين
يالشايب والله لو بيدك تحط مكانها باسكال مشعلاني

2قبل يجي اليوم اللي يشوفك فيه بحوالي اسبوع او اكثر يعني
حسب شين الوجه طامري من صالون لصالون صبغ فرد
تنظيف بشره الخ...

3اذا جاء المعرس خلي اخوك يوقف عند جنبه عشان مايطيل التبحلق
ويبان المستخبي وذلك لتطبيق مثل<اللمحه ذبحه

4في نهايه المشهد خلي ابوك يقول:معليش وانا عمك ترى البنت
شوي محيوسه<<معليه يالشايب تنصب على هالمسيكين

وبها اللحظه الولد بينط على راس الشايب ويبوسه لييين يشفط
مخه ويقول:متى العرس ياعم

#تحذييييييير مهمممممم:
ابتعدي عن امهات العيال المتعلمات راعيات الشنطه
نفس لون الجزمه وراعيات الماركات هذولا يبيلهم خطط بعيده المدى.


عاد لا تنسوننا ببطاقات الزواج


ملطوش بقوة لاني ضحكت فحبيت تضحكو معي
*****************************
تحياتي ...