تطيـر القصايـد شـوق لاهزهـا الموضـوع
تسابـق تطيـر وكـل وحـدة ورى الأخــرى
تـرى مـا يــلام الشـاعـر التـابـع المتـبـوع
اليـا جـا بييكتـب حـرف بالمملـكـة وازرى
عظيمة ولاجت في سوالف وضحك اربوع
عظيمة ولا جت صف يمنـى علـى يسـرى
عظيمة ولاجت في عطى والعطى مشروع
عظيمة ولاجت في ذهـب قيصـر وكسـرى
عظيمة وجت باللي يقـص ويطـوع طـوع
من يدين من ضرى الليالي على المسـرى
سرى ليلتن ظلمى ما غير الحكي مسموع
ســرى ليلـتـن لانـــور فـيـهـا ولا قـمــرى
سرى مامعاه إلا التعـب والسهـر والجـوع
سـرى مـا معـاه إلا رجـالـن تـفـك اســرى
وجـا للـريـاض وبيـرقـه بالسـمـا مـرفـوع
بعد ما اجبر السيف الحدب يكتـب ويقـرى
دخلهـا معـه سيـفـن وشلـفـا بــدون دروع
لا مــا شـهـد تاريخـهـا تشـهـد الصـحـرى
يقولون صعبـة صعبتـن مثـل حـب الكـوع
لاكن تبـي تضـرى وغصبـن تبـي تضـرى
فتاتـن بكـت مـرة لأجـل عقدهـا المقـطـوع
وجـاهـا وهــي فــي سالـفـة عقـدهـا ادرى
واخذهـا ولبسهـا الـرخـى والـبـلا مـدفـوع
عظـيـمـة ولا تتـقـبـل الـبـيـع والـمـشــرى
بطلهـا ابـو تركـي ولاهـي حديـث اسبـوع
لـنـا فــوق مـيــة عـــام بكتـابـهـا نـقــرى
