لفرق بين الدلوعه ولعربجيه

لفرق بين البنت الدلوعه والعربجيه

-------------------------------------------------------------------------------
الدلوعه:
وهي نايمه الدبدوبي والارنوبي كلهم في حظنها ماشاء الله صارت الغرفه محل العاب واذا قامت الا الساعه1 الظهر لا وبعد اللي تصحيها الشغاله تقومها بالانجليزي .. بس انا راح اترجمه لكم ..

يالله رزان قوم ماما قول قوم
عاد هي تقول اوكيه وتجي امهاوتصحيها مره ثانيه يارزان ياحبيبتي اصحي
ترد رزان ماما والله بدري الساعه1الظهر بدرررررررررررررري(تتدلع هي وخشتها يقال لها تو الناس بدري) .. طيب ماما من عنوني

قامت البنت من السرير وفتحت الستاره والشبابيك علشان تتنفس الغرفه .. يااي وشغلت موسيقى رومنسيه علشان تروق بنت الحلال وراحت تاخذ2حمام محترم وبعد ماتطلع من الحمام وعلى المرايه على طول تحط من هالكريمات والدعافيس ع وجهها..

تعرفون شباب لازم تحافظ ع بشرتهاا خلصت من المرايه وتتجه الان الى الاستشوار.. وش ..وش .. وش لحووووووووووووووووول ساعتين عز الله اللي اندمرت هالشوشه .. خلصت منه دقت البنطلون الجيينز والبلوزه ونزلت تحت تفطر ع كاس عصير برتقال فرش << مسويه رجييييييييييم

نجي للعربجيه : تقوم الساعه 8 الصبح وهي ماودها تقوم وجات امها تقومهاا ياسوير قومي يمال الحمى

لحوووووووووووووول زين زييييييييييييييين << تنفخ بعد

بس تشوفون شكلها وهي نايمه كراع هنا وكراع هناك لاوكل 3ساعات طايحه من السرير

يجي اخوها حميد(اسمه محمد بس يدلعونه حميد) ويقومها مره ثانية
ياسوير قومي تقول امي قومي جعلك الموت

ويجي مطلق اخوها الكبير سوير وجع ويعطيها ذيك
الرفسه اللي خلت عظامها تهلهل وبعد ذيك الرفسه العنيفه فزت فزه
مايعلمها الا الله!!!!!

وقال لها قومي صلحي الفطور عشر دقايق الاوهو جاهز زين شوفي ابي قرص
وخبز مسح(يعني خبز ع الحديده)

وقامت بعد جهد جهيد على شتم ولعنة الحي والميت حتى ولد عمها ماسلم منها

اعزائي القراء نعود الى الاخت الناعمه

هذي ماتتغدا الا الساعه 3 او 5 العصررررررررر

لا ولا تتغدا الا ع رز ابيض مسلوق وسلطه << تحافظ ع رشاقتهاياشباب

اما العربجيه تتغدا الساعه12 بالضبط تتغدا كبسه محترمه وإذا خلصت
الا كاس اللبن والم عندها تشربه شربه وحده(يعني مافيه مجال حتى تتنفس)

الناعمه طلعتهاتكون من بعد صلاة المغرب(ماتطلع العصر ياي تحافظ ع بشرتها)

العربجيه تطلع الساعه 2 القايله وتدقها كعاااااابي لبيت خوالهااااا
الين تنقلب خبزز اسمرر

الناعمه تروح المملكه والفيصليه وقبل ماتروح السوق تمر ع الصالون علشان تحط ميك آب سوق

العربجيه تروح سوق النسيم علشان تلقى العرابجه اللي مثلها

الناعمه اذا طلعت تطلع مع يارا ولارا ورولا ومايا وغيرررررررهم

اما العربجيه تطلع مع بنات خالاتها وضحى وشقحى وعفره وصفله ومزنه ودعجه!!!!!!!

الناعمه اذا شافت واحد حلوووووو لابس صح وماركات وحركات وحاط سكسوكه
ومحد قده قالت يااي ياناس نازرو(يعني ناظرو هذا الله يسلمكم ماغيره من الدلع) ياربيييييييييييييييييييه وااااااااااو وعاد البنت
اعجبها الشاب اللطيف هذا وودها تحتك وتقوم وتمر عنده وتدفه بكتفها
ولادفته بكتفها تقول اوووووووووووووووه اسفه

ويرد عليها لاعادي ع ايش الاسف عيوني وتبتسم ذيييييييييييييييييك
الابتسامه الي شقت وجهها وتخزه بهالنظرات وتسلهم هالعيون وهو دوروه
ماتلقووووونه من الحياء

العربجيه لاجات تتزين شخطت هالعيون بالكحل ولبست البرقع وطلعت هي وشقحى وراحن لسوق

عاد العربجيه اذا شافت واحد يمر من عندها وراكب جيب
وداق بنت البكار ويمر من عندها ويسوي حركات استعراضيه تقوول
يابنااات تكفووووووووون شوفوا ياويلي ويلاه تكفووووووون يالربع
وتقوم بنت الحلال وتقززززه قزززز والرجال راح في خرايطها وعاد لاشافها
تقزه قال ياغزال ارحم حالي ياويلي تكفووون ياعربان

الناعمه اذا مر عليها واحدقروي قالت وعععععععععععععععع الله يقرفك
نعم وش تبي يالله هناك بلا قرف ياقروي!!!!!

العربجيه اذا مر عليها واحد لابس بلوزه ضيييييييييييييقه وبنطلون ضيييييييييق وقالها ياحلو عطني وجه
قالت: اقول احسن لك ضف وجهك لايجيك شي مايطيب خاطرك
قال ليش العصبيه هذي

قالت اقووول والله لوماتضف خشتك الا أتوطى في حوض بطنك علم جاك وتعداك ترى مابي اغلط عليك اكثر طس عن وجهي

الناعمه اذا جات تضحك هه هه هه يالله تسمعها من النعومه

اما العربجيه اذا ضحكت تضحك كذا>> هع هع هع هع << الحمدلله والشكر
واذا جات تمزح مع اخوها حميد تعطيه كف حلاقه(يعني كف قوي ع رقبته)

الناعمه اذا سمعت اغاني ماتسمع عربي خلقه ماتسمع الا انريكي طبعا" لانه حلوووووووووووووووووو وممثلها المفضل توم كروز لوسامته وميل جبسون وجيم كاري لخفة دمهم وأحلى ممثله عندها جوليا روبرتس

العربجيه الاغاني اللي تسمعها بشير شنان وعيسى الاحسائي وحجاب بن نحيت ومثلها المفضل فهد الحيان

الناعمه لما تتفرج ع ال تي في تجلس ع الكنب وتحط رجل ع رجل وتبتسم لان الابتسامه تضفي البشاشه ع الوجه

العربجيه اذا جات تناظر التليفزيون تشوف غصب واحد وغصب اثنين وتجلس ع الارض وتحط المركا وراها والكراعين ع التلفزيون وان زهقت من القناة الاولى دقت التلفزيون باصبع رجلها وحطت القناة الثانيه

الناعمه اذا تبي تحلم احلام اليقظه طلعت برا في الحديقه حقت بيتهم
وجلست ع الكرسي الهزاز وقام الكرسي يروح ويجي

اما العربجيه اذا بغت تحلم احلام اليقظه طلعت للسطح وفرشت البساط(ابو خمس طعش اللي مخطط بأحمر وأزرق عرفتوووه) وتتكي ع المركا وتقعد تفكرررررر

خخخخخخخخخخخخخ

يعطيك العافيه

الله يعافيك